Тура осындай тақырыппен «Жас қазақ» басылымында кішігірім мақала жарияланған еді. Қоршаған ортаны қорғау министрлігінің басындағы бұлт қоюланып, министр Ысқақовтың өз орынбасарларының істі болғанына қарап тұра алмай, отставкаға кеткендегі мәрттігін бір мадақтап еді. Бүгін де экс-министр Нұрлан Ысқақов өзіне қарасты қылмыстық істің қозғалуына министрліктің бұрынғы жауапты хатшысы Рүстем Хамзиннің қатысы бар деп отыр. Ол Ысқақовтың орынтағына көзін тігіп жүрген, болмаған соң «қара күшке» жүгінген-мыс... «Мен өзіме тағылған айыптаулардың ешбірін мойныма алмаймын және өзімді кінәсіз деп есептеймін. Мен бір Құдайға сенетін адаммын, бес уақыт намазымды қаза қылмаймын әрі Алла тағаланың ақиқатты қайта орнататынына кәміл сенемін» деп қасқайды Ысқақов сфрза дүйсенбіде өткен сот отырысында. Онымен бірге бұрынғы қос орынбасары Сәрсенбаев пен Бірәлиев те өздерінің сүттен ақ, судан таза екендіктерін айтып ақталуда. «Әліптің артын бағайық».