Seysenbi, 12 Qaraşa 2019
Bilik 1207 0 pikir 28 Qazan, 2019 sağat 10:42

Senat aldağı üş jılğa arnalğan byudjetti talqılap jatır

Senatta 2020-2022 jıldarğa arnalğan respublikalıq byudjet turalı, elimizdiñ Wlttıq qordan 2020-2022 jıldarğa arnalğan kepildendirilgen transfert turalı, respublikalıq jäne oblıstıq byudjetter, respublikalıq mañızı bar qalalar, astana byudjetteri arasındağı 2020-2022 jıldarğa arnalğan jalpı sipattağı transfertterdiñ kölemi turalı zañ jobalarınıñ tanıstırılımı boldı.

Respublikalıq byudjettiñ şığıstarı 2020 jılı 12,9 trln.teñgeni qwrap, 2019 jıldıñ josparına qarağanda 886,2 mlrd. teñgege ösedi.

Respublikalıq byudjet şığıstarınıñ jalpı köleminiñ 46 payızı äleumettik salanı damıtuğa bağıttaldı. Äleumettik şığıstardıñ negizgi ülesi twtastay alğanda el azamattarın äleumettik qamtamasız etuge jäne äleumettik kömek körsetuge jiberiledi. Bwl rette körsetilgen şığıstardıñ eleuli ülesin äleumettik tölemder qwraydı, 2020 jılı osı tölemderdi qarjılandıru kölemi 2019 jılmen salıstırğanda 276,7 mlrd.teñgege wlğaydı.

Densaulıq saqtau jüyesine 2020-2022 jıldarğa arnalğan şığıstar 4,7 trln. onıñ işinde 2020 jılı-1,5 trln. teñge nemese 2019 jılğı deñgeyge qarağanda 298,5 mlrd. teñgege ösedi. Bwl birinşi kezekte, tegin kepildendirilgen därigerlik kömek kölemi ayasında medicina qızmetkerleriniñ eñbekaqısınıñ wlğayuına jäne mindetti äleumettik medicinalıq saqtandıruğa köşuge baylanıstı bolıp otır.

2020 jılı Jalpı işki önimniñ naqtı ösui 4,1% deñgeyinde boljanıp, odan äri 2024 jılı 4,7% - ğa deyin ösedi. JİÖ-niñ aldağı orta merzimdi kezeñdegi ortaşa jıldıq ösu qarqını 4,4 payızdı qwraydı. Wlttıq Bank jıldıq inflyaciyanıñ 2020-2021 jıldardağı dälizin 4,0-6,0% şeginde saqtay otırıp, keyinnen 2022 jıldan 3,0-5,0 payızğa deyin tömendetetin boldı.

Jalpı, respublikalıq byudjettiñ kiristeri (transfertterdi eseptemegende) üş jıldıq kezeñde: 2020 jılı – 8,1 trln. teñge nemese JİÖ-niñ 10,9%; 2021 jılı – 8,7 trln. teñge nemese JİÖ-niñ 10,6%; 2022 jılı-9,5 trln. teñge nemese JİÖ-niñ 10,7% boladı.

Wlttıq qordan respublikalıq byudjetke kepildendirilgen transferttiñ mölşeri 2020-2021 jıldarı 2 trln. 700 mlrd. teñge bolıp,  2022 jılı 2 trln. 600 mlrd. teñgege deyin tömendeydi. 

Jalpı sipattağı transfertter öñirlerdiñ byudjettik qamtamasız etiluin teñestiruge jäne aymaqtıq ekonomikanıñ damuın ıntalandırudı arttıruğa bağıttalğan. Transfertter kölemi öñirlerdiñ erekşelikterin, şağın jäne orta biznesti damıtudı ıntalandırudı, sonday-aq jergilikti tabıstardıñ ösu äleuetin eskere otırıp esepteldi.

Maqsattı transfertterden mikro jäne şağın biznes kiristeriniñ salıq saludan bosatıluın jäne pedagogtardıñ, mädeniet jäne öner qızmetkerleriniñ jalaqısın köteruge qarajat böluin eskere otırıp, subvenciyalar men alıp qoyu kölemderi tüzetildi.

Osınnday erekşelikter esepke alına otırıp, jalpı sipattağı transfertter mınaday kölemderde ayqındaldı: byudjettik alular 2020 jılı – 420 mlrd. teñge; 2021 jılı – 451 mlrd.teñge; 2022 jılı – 490 mlrd. teñge; byudjettik subvenciyalar 2020 jılı-2 trln. 104 mlrd. teñge; 2021 jılı – 2 trln. 121 mlrd. teñge; 2022 jılı - 2 trln. 125 mlrd. teñge. 

Osılayşa, 2020-2022 jıldarı 13 subvenciyalıq jäne tört aymaq-donor ayqındaldı. 

Wsınılğan zañ jobaları Senattıñ Qarjı jäne byudjet komitetiniñ keñeytilgen otırısında 21 qaraşada qaralıp, oğan deyin talqılau jwmıs toptarında talqılanadı.

Qazaqstan Respublikası Parlamenti
Senatınıñ Baspasöz qızmeti

Abai.kz

0 pikir