Beysenbi, 21 Qaraşa 2019
1012 1 pikir 17 Qazan, 2019 sağat 11:45

AQŞ sotı Qazaqstannıñ Stati isine şıqqan şeşimdi qayta qarau arızın keri qaytardı

AQŞ Joğarğı sotı 15 qazanda Qazaqstan biliginiñ moldovalıq biznesmen Anatol Stati isi boyınşa şeşimdi qayta qarau turalı şağımın keri qaytardı. Bwl turalı Qazaqstan ädilet ministrligi habarladı.

«AQŞ Joğarğı sotı 15 qazandağı şeşimimen biıl şıqqan sot ükimderin qayta qarau turalı 222 şağımdı keri qaytardı. Olardıñ arasında Qazaqstannıñ AQŞ-tıñ Kolumbiya okrugi apellyaciyalıq sotınıñ şeşimin qayta qarau turalı şağımı da bar» dep mälimdedi ministrlik.

2018 jılı qaraşada aymaqtıq sot Statige Vaşingtondağı bwğattalğan Qazaqstan aktivterine zañdıq şaralar qoldanuğa rwqsat bergen. Al Qazaqstan Statige berilgen bwl rwqsattı toqtatudı swrap şağımdanğan edi, biraq AQŞ sotı bwl arızdı qanağattandırmadı.

Moldovalıq biznesmen Stati men Qazaqstan biligi arasındağı sot birneşe jıldan beri jalğasıp keledi. Qazaqstannıñ mwnay salasına investiciya salğan Anatol Stati men onıñ wlı Gabriel' Stati Qazaqstannıñ memlekettik organdarı özin "investiciyasın tım arzanğa satuğa mäjbürleu üşin qıspaqqa alğanın" aytadı. Nwr-Swltan bwl ayıptaudı teristep, Statidi "alayaqtıq jasadı" dep ayıptaydı.

2013 jılı Stokgol'mdegi sauda palatasınıñ arbitraj sotı Stati şağımın jartılay qanağattandırıp, Qazaqstandı 500 mln dollar töleuge mindettegen. Sotta Stati 4 milliard dollar talap etken edi.

2017 jılı jeltoqsanda New York Mellon banki Anatol Statidiñ Qazaqstan ükimetine qarsı arızı boyınşa Qazaqstan Wlttıq qorınıñ 22 milliard dollar qarjısın bwğattağanı jariya bolğan.

Biıl mamırda Niderland sotı qwnı 5,2 milliard dollar twratın Niderlandtıñ KMG Kashagan B.V. kompaniyasındağı "Samwrıq-Qazına" memlekettik qorı akciyalarına salınğan tıyımdı küşinde qaldırdı. Bwl akciyalarğa Qazaqstan ükimeti men Anatol Stati arasındağı dau ayasında tıyım salınğan edi.

Abai.kz

1 pikir