Senbi, 16 Qaraşa 2019
955 8 pikir 16 Qazan, 2019 sağat 16:21

"Qıtaydan qaşqan" eki qazaqtıñ üstinen sotqa deyingi tergeu bastaldı

WQK şekara qızmeti "qazaq-qıtay şekarasın kesip ötip, Qazaqstanğa kelgen" Şıñjañ qazaqtarı Mwrager Älimwlı men Qaster Mwsahanwlınıñ üstinen sotqa deyin tergeu bastadı. Bwl turalı WQK şekara qızmetiniñ baspasöz qızmeti habarladı.

Şekara qızmetiniñ habarlauınşa, Älimwlı men Mwsahanwlınıñ üstinen sotqa deyingi tergeu Qılmıstıq kodekstiñ 392-babı 1 böligi, yağni "Qazaqstan şekarasın zañsız kesip ötu" babı boyınşa jürip jatır.

WQK Mwsahanwlı jılqı wrlığına baylanıstı qılmıstıq jauapkerşilikten qaşıp, 2006 jılı 21 mausımda qazaq-qıtay şekarasın bwzğanın mälimdedi. "Sol kezde ol Qıtayğa qaytarılğan" dep mälimdedi şekara qızmetiniñ baspasöz qızmeti.

Şekara qızmeti Älimwlı men Mwsahanwlına qatıstı sotqa deyingi tergeu halıqaralıq qwqıqtar men Qazaqstan zañına say jürip jatqanın habarladı.

30 jastağı Qaster Mwsahanwlı men 25 jastağı Mwrager Älimwlı Dörbiljiñ aymağınan jolğa şığıp, 1 qazanda Qıtay şekarasınan ötkenderin aytqan. Özderiniñ aytuına qarağanda, qazaq-qıtay şekarası aralığındağı beytarap aumaqta bes kündey jürip, qazannıñ 6-sı küni Şığıs Qazaqsan oblısınıñ Zaysan, Şilikti, Mañıraq auıldarınıñ twsınan Qazaqstanğa ötken. Keyin jolay taksi jaldap, 10 qazanda qazanda Almatığa "kelgen".

14 qazanda Almatıdağı adam qwqığın qorğau byurosında ötken baspasöz mäslihatında Qaster Mwsahanwlı Şıñjañdağı lager'de qamauda otırıp şıqqanın, al Mwrager Älimwlı sol jaqta qısım körgenin aytqan. Baspasöz mäslihatınan keyin olardı şekara qızmetiniñ ökilderi alıp ketken.

15 qazanda Älimwlı men Mwsahanwlın Şekara qızmeti tergeu amaldarı üşin Şığıs Qazaqstanğa jetkizgen.

Abai.kz

8 pikir