Seysenbi, 19 Qaraşa 2019
Äne, kördiñ be? 1263 1 pikir 15 Qazan, 2019 sağat 17:13

Nwrpeyisov endi sayasattı qoyıp, sayahatpen aynalıspaq

Men Prezidentti tañday almasam da, qay elde ömir sürgim keletinin tañday alamın,- deydi akter Änuar Nwrpeyisov. #Menoyandım heştegi arqılı sayasi közqarasın bildirip, artınşa wzaq uaqıt körinbey ketken akter Şri-Lankağa qonıs audarıptı.

Ol atalğan videosın YouTube-tegi kanalına ornalastırğan. Aytuınşa, ol endi sayasatqa emes, sayahatqa den qoymaq.

-Osınıñ bäri bastalğan kezde: «Men bwl ömirde ne istegim keledi?»- dep oyladım. Jauabı anıq: baqıttı ömir süru. Biraq siz sayasi oyındarğa aralasqannan keyin baqıttan alıstaysız. Bwdan äri meniñ aldımda tañdau twrdı. Söytip, men öz tañdauımdı jasağannan keyin Qazaqstandağı öz mümkindikterimdi qarastırdım. Sosın nege sayahattamasqa dep oyladım. Eger men prezidentti tañday almaytın bolsam, onda men qay elde ömir sürgim keletinin tañday alamın.
Äzirge men Şri-Lankağa qonıs audardım, - dedi ol YouTube-tegi jeke arnasında.

Nwrpeyisovtıñ aytuınşa, ol türmege tüspeu üşin Qazaqstannan ketuge şeşim qabıldağan.

-Biz 5 mausım küni, QR Prezidentin saylauğa 4 kün qalğanda, elimizdegi saylaudıñ qwndılığın bükil älemge körsetu üşin beynetaspa jariyalaudı josparladıq. Alayda, mağan bir dosım qoñırau şalıp, mağan «qızıl kartoçkanıñ» ornatılğanın ayttı. YAğni, bwl -fizikalıq küş qoldanu nemese qamau. Biz üşin barlıq şeşimdi basqalar qabıldaytın elde ömir sürip jatqanımızdı tüsinemiz. Elimizdegi söz bostandığınıñ jay-küyi de belgili. Biraq, men söz bostandığı däliziniñ qabırğaları osınşalıqtı näzik dep oylamappın.(...) , - deydi Nwrpeyisov öz videosında

Söytip, akter Şri-Lankağa ketuge bel baylağan. Nwrpeyisov ol jerde qonaq üydi üş jılğa jalğa alıp, sonda menedjer bolıp jwmıs istemek.

Akterdıñ aytuınşa, oğan bilikke satıldıñ degen sındı pikirlerdi oqu öte auır bolğan. Sonday-aq, ündemeu üşin özine aqşa wsınılğanın da ayttı.

Söytip, Nwrpeyisov mırza osı beyneroligi arqılı köpten körinbey ketuiniñ sebebin tüsindirdi.

Ayta keteyik, bwğan deyin ol Qazaqstandağı sayasi jağdaydı qatañ sınğa alğan «Men Oyandım» nauqanın bastap, qoğamdıq pikirge aralasqan.

Abai.kz

1 pikir