Düysenbi, 18 Qaraşa 2019
2751 4 pikir 15 Qazan, 2019 sağat 16:40

Süleymenov qwrğan qozğalıstıñ vice-prezidenti wstaldı

"Nevada-Semey" antiyadrolıq qozğalısınıñ vice-prezidenti wstaldı. Almatı policiya departamenti de atalğan fakti boyınşa aqparattı rastadı.

Almatı policiyası "Nevada-Semey" (Nevada-Semipalatinsk) antiyadrolıq qozğalısınıñ vice-prezidenti Haron Dadaevtı wstağan.

"Almatı PD azamat D-nıñ QR QK 190 babı, 4-tarmağı boyınşa qılmıstıq is jasadı degen küdikpen qırküyek ayında wstalğanın rastaydı", delingen habarlamada.

Wstalğan Horon Dadaevqa Qılmıstıq Kodekstiñ 190 babı, 4-tarmağı boyınşa "Aldau arqılı nemese aqparattıq jüye qoldanuşısınıñ senimin öz maqsatına paydalanu arqılı alayaqtıq jasadı" degen ayıp tağılğan.

Atalğan is qazir Sot qarauına jiberilgen. Dadaevtıñ kinäsi däleldengen jağdayda ol 5 jıldan 10 jılğa deyingi merzimde abaqtığa otıruı jäne dünie-mülkin tärkileui mümkin.

Esteriñizge sala keteyik, osığan deyin biılğı jıldıñ tamız ayında Almatınıñ Medeu audandıq kriminaldıq policiya bölimi 69 jastağı Horon Dadaevqa izdeu jariyalağan.

Horon Dadaev kim?

Haron Dadaev 1950 jılı Qarağandı oblısında tuğan. Internettegi aşıq derekközderdegi mälimetterge süyensek, Dadaev Zañ ğılımdarınıñ kandidatı. "Nevada-Semey" antiyadrolıq qozğalısınıñ vice-prezidenti lauazımına 1989 jılı tağayındalğan.

"Nevada-Semey" antiyadrolıq qozğalısın aqın Oljas Süleymenov qwrğan. Qozğalıs tarihı 1989 jıldıñ 25 aqpanınan bastaladı. Qozğalıs qwrılardan birneşe kün bwrın Semeydegi yadrolıq sınaq poligonında radioaktivti gaz tarağan.

Ol kezde Oljas Süleymenov QazSSR Joğarğı keñesine deputattıqqa tüsip jatqan. Öziniñ saylaudağı ügit-nasihatında Süleymenov poligonnıñ jwmısın toqtatudı mäsele etip kötergen. 28 aqpan küni Qazaqstan Jazuşılar odağı mañında mıñğa juıq adam jinalıp, adrolıq poligonnıñ jabıluın talap etken. Antiyadrolıq qozğalıs osılay qwrılğan.

1989 jılı qaraşada Sovet odağı Joğarğı keñesiniñ şeşimimen Semey poligonında jarlıstarğa şekteu salınğan. Eñ soñğı sınaq 1989 jıldıñ 19 qazanında ötken.

Al Semey yadrolıq poligonı 1991 jıldıñ 29 tamızı küni Qazaqstan prezidentiniñ şeşimimen tolıq jabılğan.

Abai.kz

4 pikir