Senbi, 16 Qaraşa 2019
Bilgenge marjan 3420 28 pikir 15 Qazan, 2019 sağat 12:59

Twñğış ret til forumı ötedi

Alğaş ret ZAÑ, BIZNES, BİLİM, ĞILIM, BAQ, t.b. salanıñ jäne «Jas Otan» jastar qanatı ökilderiniñ qatısuımen latıngrafikalı jaña älipbi negizinde qazaq tilin jañğırtudıñ özekti mäseleleri talqılanadı.

QR Mädeniet jäne sport ministrligi Til sayasatı komiteti Şayswltan Şayahmetov atındağı «Til-Qazına» wlttıq ğılımi-praktikalıq ortalığınıñ wyımdastıruımen «Jahandanu jäne wlttanu üderisindegi qazaq tiliniñ ömirşeñdigi» attı forum ötedi.

Şaranıñ maqsatı: Jaña älipbi negizinde jañğırğan qazaq tiliniñ qazirgi zaman swranısına say ömirşeñdigin arttıru joldarın anıqtau:

- Qazaqstan Respublikasındağı kez kelgen ZAÑ mätinin aldımen memlekettik tilde äzirleudi wyımdastıru;

- otandıq biznesti qazaqşalandıru;

- bilim beru jüyesin latın älipbiine köşiru;

- ğılımdağı qazaq tiliniñ qoldanısın keñeytu, sapasın arttıru;

- BAQ-tağı qazaqtildi kontent sapasın arttıru;

- jastar arasında qazaq tilin brendke aynaldıru mäseleleri qozğaladı.

Forum barısında:

- jaña älipbi men qazaq tilin oñay äri tiimdi jolmen üyretetin zamanaui interaktivti qwraldardıñ körmesi ötedi. Mwnda «Til-Qazına» ortalığı äzirlegen jaña İT-jobalar tanıstırılıp, köpşiliktiñ qoldanıluına wsınıladı.

- 6 sekciya boyınşa jwmıs jasaytın ğılımi konferenciya ötkiziledi;

- Nwr-Swltan, Almatı, Şımkent qalaları men 14 öñirdegi tildik ahualdı jaqsartu boyınşa üylesimdi jwmıstı josparlauğa arnalğan öñirlik Til basqarmalarınıñ basqosuı wyımdastırıladı.

Kütiletin nätije:

1. Jaña älipbi emlesine qatıstı jwrt kökeyinde jürgen saualdarğa naqtı jauap beriledi.

2. Memlekettik tildiñ zañnamasın jetildiru, biznes, ğılım, bilim, BAQ-tağı qazaq tiliniñ qoldanısın keñeytuge, mädenietin arttıruğa qatıstı naqtı wsınıstar körsetilgen qarar qabıldanıp, jauaptı qwzırlı organdarğa jiberiledi. Qarar «Til-Qazına» ortalığınıñ resmi saytında, BAQ-ta jariyalanadı.

Ötetin ornı: Nwr-Swltan qalası, «Qazmedia ortalığı»

Ötetin merzimi: 2019 jılğı 24 qazan, sağat: 09:00

Baylanıs telefondarı:

27-71-38, 27-30-43, 27-31-32

Abai.kz

28 pikir