Senbi, 16 Qaraşa 2019
1171 3 pikir 14 Qazan, 2019 sağat 10:49

Bas prokuratura «Aq jol» partiyası kötergen mäseleni qarastırmaq

Bas prokuratura «Aq jol» partiyasınıñ swrauı boyınşa auıl memlekettik organdardıñ şaruaşılığı käsipkerlerine subsidiyanı toqtatuına baylanıstı mäseleni qarastırmaq.

Bas prokuratura men «Atameken» wlttıq palatası wyımdastırğan biznesti qorğau jönindegi Forumda «Aq jol» partiyasınıñ jetekşisi Azat Peruaşev elimizdiñ bas prokurorı Ğizat Nwrdäuletovke auıl şaruaşılığı käsipkerlerin qoldauğa bağıttalğan ötinişin jetkizgen bolatın.

Bas prokuror ötinişpen tanısıp, onı öziniñ orınbasarı Bolat Dembaevqa tapsırdı.

Esteriñizge sala ketsek, 9 qazan küni Mäjiliste byudjet talqılauı barısında Azat Peruaşev memlekettik organdardı krest'yandıq jäne fermerlik şarualıqtarğa uäde etilgen subsidiyaların tölemeuine  baylanıstı qattı sınğa alğan bolatın.

Ol «Aq jol» partiyasınıñ auıl käsipkerligin qorğau üşin sotqa baruğa da dayın ekenin atap aytqan.

«Bükil Qazaqstan boyınşa jüzdegen-mıñdağan şarualar memleketke senim artıp, bar aqşaların salıp, nesie alğanda (ol üşin barlıq byurokratiyanıñ tozağınan ötip) – ne sebepti memlekettik organdar wyqıdan endi oyanğanday bas tartıp otır? Artıq ketsem keşirersizder, bwl auıl şaruaşılığı ministrliginiñ auıldı «laqtırdı» degen sözi  emes pe?! Bizdiñ frakciya auıl şaruaşılığın subsidiyalauğa qarajat böludi talap etedi», - dep aytqan bolatın ol öz sözinde.

«Aq jol» jetekşisiniñ bügingi Bas prokurorğa ötinişi deputattardıñ bwl mäselede alğan betterinen qaytpaytının däleldep otır.

«Aq jol» partiyası men onıñ parlamenttik frakciyası saylaualdı bağdarlama boyınşa jwmıstarın jalğastırıp, otandıq biznes müddesin qorğaudağı jwmısın äri qaray jalğastıra beredi.

Abai.kz

3 pikir