Jwma, 18 Qazan 2019
337 0 pikir 10 Qazan, 2019 sağat 14:25

Qızılorda oblısınıñ äkimi azamattardı jeke mäseleleri boyınşa qabıldadı

Qızılorda oblıs äkimi Quanışbek Isqaqov qabıldauğa jazılğan twrğındardı jeke mäseleleri boyınşa qabıldadı. Qabıldauğa qala äkimi N.Nälibaev pen jauaptı basqarma basşıları da qatıstı.

Azamattardı qabıldau üzilissiz 8 sağatqa juıq jürgizilip, 70 adam aymaq basşısınıñ qabıldauında boldı. Kelgenderdiñ negizgi mäselesi twrğın üy, äleumettik mäsele men bilim jäne densaulıq salalarına qatıstı.

-Soñğı jıldarı  qalamızda 15 jaña şağın audan boy köterip, 7 mıñnan astam qızılordalıq baspanalı boldı. Osı jılı  twrmısı tömen köpbalalı otbasılardı twrğın üymen qamtamasız etu üşin «Balameken» jobası ayasında Bolat Ötemwratovtıñ jeke qorınıñ demeuşilik qoldauımen 100 otbası twrğın üymen qamtıldı, sonday-aq, büginde Sırdariyanıñ sol jağalauında 25 köp qabattı twrğın üydiñ qwrılısı ayaqtalıp, kilti tabıstaldı,-dep atap ötti aymaq basşısı.

Kezekte twrğan azamattar üşin baspana zañğa säykes kezeñ-kezeñimen beriledi. Balası Qanat Judabaevtıñ 1 sanattağı mügedek ekenin, üy kezeginde 13 jıl boyı twrğandığın ayta kelgen Roza Asqarova kezeginiñ jaqındağanın bilmey, päter swrap kelgen. Aymaq basşısı Roza Asqarovağa kezeginiñ kelip, Sırdariyanıñ sol jağalauınan päterli bolğandığın aytıp,quanttı. Baspanalı bolğan ana oblıs äkimine alğısın jetkizip, rizaşılığın bildirdi.

Qabıldauğa  kelgen bir top aqsaqaldar Sırdariya audanı, Aydarlı auılındağı ayaq su mäselesi jäne kanaldardıñ qoqısqa tolıp, tazalanbay twrğanın köterdi. Quanışbek Dosmayılwlı kelesi jılı egin mausımına deyin kanaldardı tazalap, ayaq su jetkizu mäselesin şeşudi jauaptı sala basşılarına tapsırdı.

Jeke mäsele ğana emes, tügel auılınıñ, oblıs ortalığında özi twratın şağın  audan, köşeleriniñ mäselesin köterip qoğamdıq ahualdı aytqan azamattar da swraqtarına jauap aldı.

Oblıs äkiminiñ qatısuımen  däl osınday qabıldaular aldağı uaqıtta da ötkiziletin boladı.

Abai.kz

0 pikir