Álemning týrli tilderinen qazaqshagha kәsibi, әdeby týrde audaratyn mamandar joqtyng qasy. Ilespe audarmashylar da sausaqpen sanarlyq.

30 jylda bildey Qazaq memleketi ana tilinen ózge san aluan tilderge sauatty týrde audaratyn, tili kórkem, kәsiby mamandar kastasyn qalyptastyrghan joq...

Memleket retinde damyp boldyq dep danghoylanamyz. Al eldigimizdi pash etetin osynday memleket ýshin asa manyzdy isterge nemqúrayly qaraymyz.
Syrtqy ister ministrligi nege dabyl qaqpaydy? Qasym-Jomart Toqaev osy vedomstvony qansha jyl basqarghanda nege mәseleni qolgha almady?

Nege Bilim ministrligine aityp, qazaqtyng dәstýrli qazaqtildi audarmashylar mektebin qalyptastyrugha memleket tarapynan tapsyrys bermedi?

Bir memleket ýshin asa qiyn is pa? Fransuz, kәris, japon, parsy taghy da ózge tilderden sauatty týrde qazaq tiline audaratyn mamandar legi qayda? Forumdar bolsa shaqyra qoyatyn, syrttan qonaqtar kelse alyp jýretin... Orystildiler bar, qazaqsha mamandar nege joqtyng qasy?! Ótkende korey tilinen qazaqshagha mynq-mynq etip audaryp túrghan audarmashyny kórip, jerge kirdim. Onyng ne aitqanyn da týsinbey dal boldym...

Múnday ispen memleket ainalysu kerek!

Ol -memleket ýshin kerek!

Darigha Nazarbaeva Saghadiyevpen qosylyp alyp, esh dayyndyghy joq ústazdar qauymyn birneshe kurspen-aq aghylshynsha sóiletip jibergisi kelgeni endi aqylgha syimaydy... Budjetten milliardtaghan qarjy bólindi. Ol qaytqan joq. Bayansyz shiyki bastamadan memlekettik budjet - bizding salyghymyz orasan zor zardap shekti. Endi kim jauap beredi. Eshkim jauap bermeydi... Nege jauap bermeytinin men aitpasam da, ishteriniz sezip otyrghan bolar. Qazaqstanda barlyq shet tili tek qana orys tilinde oqytylady! Qazaqsha oqulyqtar joq! Dәris beretin pedagogtar joq! Saghidiyev-Nazarbaevanyng "reformasyna" ketken san mlrd qarajatty osy "audarma isine" jibergende, memleket ýshin paydasy onynan bolar edi...

Búl - tútas jýiening ana tiline degen niyetinen tughan problema. Olardy 30 jyl boyy orystildi audarmashylar sýiemeldep jýrdi. Forumdarda, is saparlarda, memlekettik manyzdy is-sharalarda...
Qazaqtildi audarmashylargha memleket tarapynan súranys bolmaghandyqtan, búl salagha tól mektepten tәlim alghandar barghan joq jәne alda barmaydy da.

Al, sizder, "Aqan Sataev nege eng birinshi memlekettik tildegi audarmany kinoteatrlargha salghan joq" dep kýiinesizder. Osynday kýndelikti qarapayym oqighalar legi arqyly Qazaq memleketinde orys tili әli de ýstemdik qúryp kele jatqanyn týsinemiz.

Ayta-ayta jauyr bolghan әngime, biraq әrbir qazaq balasy enirep túryp jylaytyn dýniye...

Dina Elgezekting jazbasy

Abai.kz