Jwma, 18 Qazan 2019
441 1 pikir 10 Qazan, 2019 sağat 11:10

Soltüstik Qazaqstanda XIV ğasırğa jatatın 7 mavzoley ornı tabıldı

Atalğan aşılım orta ğasırda Soltüstik Qazaqstanda qala mädenieti bolğan degen akademik Älkey Margwlannıñ joramalın naqtı däleldep otır.

Bwl  turalı oblıs äkimi Qwmar Aqsaqalov öz Instagram paraqşasında:

«Arheologiya äleminen bizge tarihi jañalıq kelip jetti. Ualihanov audanınan arheologtar XIV ğasırğa jatatın 7 mavzoley ornın taptı. Ğalımdardıñ aytuı boyınşa Altın Ordalıq bwl qabirstanda Joşı äleuletiniñ wrpaqtarı jerlengen eken. Sonımen birge altın äşekeyler, şeberhanalar ornı, wstalıq peşter men keramikalıq ıdıstar äm arıq izderi tabılıp otır», - dep jazdı.

M.Qozıbaev atındağı SQMU jäne "Margulan centre" birlesken arheologiyalıq ekspediciyası osılayşa elimizdiñ orta ğasırlıq tarihına eleuli üles qosa bildi.  Olardıñ işinde esimderi TMD men älemge mäşhür Ürjar hanşayımın tapqan Timur Smagulov pen Botay mädenietin jahanğa tanıtuğa atsalısuşı Anatoliy Pleşakov sındı arheolog ğalımdarımız bar.

Iä, aymaq basşısı Qwmar Aqsaqalov sözimen aytsaq, Altın Ordanıñ  750-jıldıq mereytoyı qarsañındağı ruhani jäne mädeni mañızı bar oqiğa. Soltüstik aymaqtarğa köz alartuşı imperiyalıq ambiciyadağı TMD ğalımdardıñ auzına endigi jerde topıraq qwyılatın şığar!?

Abai.kz

1 pikir