Jwma, 18 Qazan 2019
Bilik 1186 0 pikir 2 Qazan, 2019 sağat 11:48

Memleket basşısı Aleksandr Lukaşenkomen kezdesti

Memleket basşısı Belarus' Respublikasınıñ Prezidenti Aleksandr Lukaşenkomen kezdesti.

Joğarı Euraziyalıq ekonomikalıq keñes ayasında ötken kezdesu barısında prezidentter Qazaqstan men Belarus' arasındağı köpjaqtı ıntımaqtastıqtıñ özekti mäselelerin talqıladı. Sauda-ekonomikalıq qatınastar men halıqaralıq wyımdar ayasındağı özara is-qimılğa basa män berildi.

Qasım-Jomart Toqaev Aleksandr Lukaşenkonıñ aldağı Qazaqstanğa josparlanğan saparınıñ mañızdılığın atap ötti.

– Biz sizdiñ Qazaqstanğa resmi saparıñızdı kütemiz. Oğan jan-jaqtı dayındalıp jatırmız. Bizdiñ memleketter arasındağı qatınas strategiyalıq sipatta qwralğan. Qazaqstan belarus' halqınıñ tarihın, mädenieti men mentalitetin qwrmettey otırıp, sizderge erekşe ıqılas tanıtadı,– dedi Memleket basşısı.

Öz kezeginde Belarus' Prezidenti aldağı Qazaqstanğa saparı ekijaqtı ıntımaqtastıqtıñ jaña kezeñiniñ bastauı bolatının atap ötti.

– Men sizge EAEO ayasında birlese jwmıs istegenimiz üşin rizaşılığımdı bildiremin. Bizdiñ közqarasımız bir. Qazaqstanda sındarlı wstanım bar. Sondıqtan özara ıntımaqtastığımızdı damıtuğa dayınbız. Biz eki el arasındağı qarım-qatınastıñ tamırın tereñdete tüsuge niettimiz, – dedi Aleksandr Lukaşenko.

Abai.kz

0 pikir