Düysenbi, 21 Qazan 2019
1486 0 pikir 18 Qırküyek, 2019 sağat 19:51

Aqerke Ahmetova QR ädilet vice-ministri bolıp tağayındaldı

Qazaqstan Respublikası Ükimetiniñ Qaulısımen Ahmetova Aqerke Estayqızı ädilet vice-ministri qızmetine tağayındaldı. Bwl turalı Qazaqstan Respublikası Prem'er-ministrdiñ baspasöz qızmeti habarlap otır.

Aqerke Estayqızı bwğan deyin de birneşe jauaptı qızmetterde istegen. Aldağı asa jauaptı qızmetinde de joğarı deñgeydegi maman ekenin körsetetini sözsi. Äri memlekettik mañızdı qızmetterde osınday jas qızmetkerlerdiñ kelgenin jaqsı jañalıq retinde bağalauğa boladı. Qazaq "jas kelse iske" deydi. Demek, jas kadrlardıñ köbeyui jaña bastamalarğa jol aşadı dep senuge äbden boladı.

Tömende Aqerke Ahmetovanıñ ömirbayanın nazarlarñızğa wsınamız.

Aqerke Ahmetova 1975 jılı Almatı qalasında tuğan.

Bilim jolı:

Şohan Uälihanov atındağı Kökşetau pedagogikalıq institutın tämamdağan.

Odan keyin  E.A. Böketov atındağı Qarağandı memlekettik universiteti jäne Kökşetau universitetinde bilim alğan

Bwdan tıs, Qazaqstan Respublikası Prezidenti janındağı Memlekettik basqaru akademiyasında oqığan.

Eñ mañızdısı "Bolaşaq" bağdarlaması boyınşa Wlıbritaniyanıñ Sheffield universitetinde oqıp, ğalamdıq bilimmen susındağan.

Eñbek jolı:

Al eñbek jolın 1991 jılı bastağan. Jas bolğanına qaramastan är jıldarı türli kommerciyalıq salada jwmıs istegen.

2000 jıldan bastap Qazaqstan Respublikası Ädilet ministrliginiñ qwrılımında jwmıs istep keledi. Bas maman, halıqaralıq kelisimşarttar jobaların saraptau böliminiñ basşısı, Departament direktorınıñ orınbasarı qızmetterin atqarğan.

2015-2017 jıldarı aralığında - Qazaqstan Respublikası Ädilet ministrliginiñ Halıqaralıq qwqıq jäne ıntımaqtastıq departamentiniñ direktorı boldı

2018 jılğı naurızdan qazirgi tañğa deyin Qazaqstan Respublikası Ädilet ministrliginiñ Memlekettik mülik qwqığın qorğau departamentiniñ direktorı lauazımın atqarğan.

Abai.kz

0 pikir