Särsenbi, 13 Qaraşa 2019
839 0 pikir 18 Qırküyek, 2019 sağat 11:08

Sır öñirinde türki jastarı bas qospaq

Qızılorda oblısında türkitildes elder jastarınıñ halıqaralıq festivali ötedi, - dep habarlaydı Abay-aqparat.

«Türki älemin toğıstırğan - Sır eli» atalatın festival' 19-21 qırküyek künderi Qarmaqşı audanındağı «Qorqıt Ata» memorialdıq keşeninde wyımdastırıladı.

Twñğış Prezident - Elbası Nwrswltan Nazarbaevtıñ «Bolaşaqqa bağdar: ruhani jañğıru» bağdarlaması negizinde ötkiziletin şara twñğış ret qolğa alınıp otır.

– Halıqaralıq şaranıñ bastı maqsatı - türkitildes elder jastarınıñ qarım-qatınasın nığaytu, ortaq tarih pen qwndılıqtarın nasihattau, jastar sayasatında oñ bastamalar boyınşa täjiribe almasu. Oğan elimizdiñ barlıq öñirimen birge Türkiya, Tatarstan, Özbekstan jäne Äzerbayjan elderinen şığarmaşıl jäne önerpaz jastar qatısadı dep kütilude, - deydi şaranı wyımdastıruşılar.

Şara ayasında «Twran – türki esigi, Qorqıt – jırdıñ besigi» attı festival' önerpazdarınıñ qatısuımen koncert, «Qorqıt ata mwralarınıñ Türki älemindegi roli» attı halıqaralıq ğılımi-teoriyalıq konferenciya, «Türki älemin toğıstırğan Sır eli» attı türki tildes elder jastarınıñ pikir almasu alañı, Qarmaqşı audanındağı Qorqıt ata memorialdı eskertkiş-keşenindegi Sır eli qolöner şeberleriniñ wlttıq bwyımdarı järmeñkesi, «Altıbaqan» jastar oyın-sauıq bağdarlaması wyımdastırılmaq.

Abai.kz

0 pikir