Beysenbi, 17 Qazan 2019
813 0 pikir 17 Qırküyek, 2019 sağat 08:59

Memleket basşısı Halıqaralıq elektr baylanısı odağınıñ Bas hatşısın qabıldadı

Qazaqstan Prezidenti Qasım-Jomart Toqaev Halıqaralıq elektr baylanısı odağınıñ Bas hatşısı Çjao Houlin'di qabıldadı.

Kezdesu barısında Qazaqstan men Halıqaralıq elektr baylanısı odağınıñ infokommunikaciyalıq tehnologiya salasındağı özara is-qimıl mäseleleri talqılandı.

Prezident Qazaqstanda jaña innovaciyalar men tehnologiyalardı damıtuğa jäne engizuge basa män beriletinin atap ötti. Memleket basşısı öñirde zamanaui infokommunikaciyalıq infraqwrılım qwrudıñ mañızdılığın ayttı.

Çjao Houlin' Qasım-Jomart Toqaevqa Halıqaralıq elektr baylanısı odağı qızmetiniñ negizgi bağıttarı turalı mälimdedi. Atap aytqanda, ol Prezidentke özi basqaratın odaqtıñ 4G jäne 5G siyaqtı telekommunikaciyalar men qızmet körsetu salası boyınşa äzirlep jatqan halıqaralıq standarttarı jöninde ayttı.

Halıqaralıq elektr baylanısı odağı Bas hatşısınıñ bağalauınşa, Qazaqstanda blokçeyn, Big Data tehnologiyaların, jaña sandıq qarjı qwraldarın paydalanuğa, sonday-aq, auıl şaruaşılığında, bilim beru jäne densaulıq saqtau salalarında, memlekettik basqaru isinde keñinen qoldanılatın aqparattıq-kommunikaciyalıq tehnologiyalardı engizuge jaqsı mümkindikter jasalğan dep sanaydı.

Kezdesuge Cifrlıq damu, qorğanıs jäne aeroğarış önerkäsibi ministri Asqar Jwmağaliev, Prezidenttiñ kömekşisi Mwrat Nwrtileuov, Halıqaralıq elektr baylanısı odağınıñ öñirlik ökili Kirill Oparin qatıstı.

Abai.kz

0 pikir