Särsenbi, 23 Qazan 2019
46 - söz 1764 1 pikir 16 Qırküyek, 2019 sağat 12:27

15-qırküyek - qazaq jeriniñ twtastığı saqtalğan kün

1991 jılı 15 qırküyekte Oral kazaktarı Oralda özderiniñ 400 jıldığın atap ötpek boldı. Oğan Reseydiñ är aymağınan kazak atamandarı men jasaqtarı jinaldı. Öz jiındarın koncerttik qoyılım men körinis arqılı atap ötemiz degen olardıñ şın mäninde maqsatı bölek edi. Qazaq wltşıldarı kazaktar Qazaqstannıñ batıs aymağında separatizm dänin egip jatır dep sanadı. Olardıñ qauipteri negizsiz emes edi. Öytkeni däl osınday scenariy boyınşa kazaktar Pridnestrov'eniñ berekesin qaşıruda Reseyge jaqtastı.

Elimizdiñ bölşektenbeuine "Azat" qozğalısı men qarapayım halıq wmıtılmas eñbek siñirdi. Olar 15 qırküyekke deyin elimizdiñ är aymağınan jinalğan azamattarmen birigip mitingter ötkizdi. Al 15 qırküyek küni bwl jımısqı jospardıñ talqanın şığardı. Koncert qoyamız dep jinalğan zalda kazaktar "Oraldı Reseyge qosu mäselesin" talqılap jatqan bolatın. Wltşıldar bwl oydı bilip, zalğa kirmek boldı. Sol sätte batırsınğan kazak sodırları tayıp twrdı. Dayın twrğan avtobustarğa otırıp, Reseylerine taban jaltırattı. Äskeri sappen jürip ötpek bolğan key kazaktar bizdiñ jigitterden soqqı jedi. Osılayşa qarapayım qazaq jigitteri, jüregi Alaş dep soqqan patriottar elimizdi, babadan qalğan qasietti mekendi bir qauipten saqtap qaldı.

Olar jaylı büginde biik minberden aytılıp, teledidardan körsetpeydi. Biraq biz wmıtpaymız. Sol oqiğağa qatısuşı patriottarğa alğıs bildiremin!

Ashat Qasenğalidıñ facebook paraqşasınan

Abai.kz

1 pikir