Düysenbi, 21 Qazan 2019
1408 4 pikir 13 Qırküyek, 2019 sağat 17:30

Bauırjan Baybek joğarı oqu orındarında jemqorlıqtı joyudıñ mañızdılığı turalı ayttı

«Nur Otan» partiyası Törağasınıñ Birinşi orınbasarı Bauırjan Baybek «Adal bilim» jobası ayasında Sıbaylas jemqorlıqqa qarsı is-qimıl agenttiginiñ qoldauımen jüzege asıp jatqan Qazaq gumanitarlıq zañ universitetiniñ jaña jobalarımen jäne kovorking-ortalığımen tanıstı.

Universitet rektorı Talğat Närikbaevtıñ aytuınşa, sıbaylas jemqorlıqqa alıp kelui mümkin jağdaylardı azaytu maqsatında büginde oqu ornındağı barlıq qızmet onlayn türde körsetiledi.

«2014 jılı biz studentterge bir tereze qağidatı boyınşa qızmet türlerin aluğa mümkindik beretin ortalıq aştıq. Bwl bağıttağı jwmıstardı odan arı jalğastırıp, qazir barlıq qızmetti elektrondı türde körsetemiz. Säykesinşe, äkimşilik şığındar qısqardı, qosımşa alañdar bosap, ol jerden qazirgi zamanğa say kovorking ortalığın aştıq. Sonday-aq, biz arnayı mobildi qosımşa äzirledik. Onıñ kömegimen student jataqhana aluğa ötiniş bildiruge, oqu qwnın esepteuge, edvayzerden keñes alu üşin jazıluğa mümkindik aladı», – dedi rektor.

Jastarmen jüzdesu barısında Bauırjan Baybek Sıbaylas jemqorlıqqa qarsı is-qimıl bağdarlamasınıñ jäne Elbası, «Nur Otan» partiyasınıñ Lideri Nwrswltan Nazarbaevtıñ bastamasımen qolğa alınğan partiya qızmetin qayta jandandıruğa qatıstı jüzege asıp jatqan jwmıs barısı turalı ayttı. Zañ universitetiniñ studentterimen birge Memleket basşısı Qasım-Jomart Toqaevtıñ Qazaqstan halqına Joldauında körsetilgen sot jäne qwqıq qorğau jüyelerindegi reformalar, sıbaylas jemqorlıqpen jüyeli türde küresu, azamattardıñ qwqıqtarın qorğaudı qamtamasız etu jäne t.b. jayı talqılandı.

«Cifrlandıru – sıbaylas jemqorlıqpen küresudiñ jäne onı joyudıñ, jariyalılıq pen körsetiletin qızmetterdiñ sapasın arttırudıñ mañızdı qwraldarınıñ biri. Bügingi tañda bwl universitette studentterge oqıtuşılardı özderi tañdauğa, olardıñ jwmısın jasırın türde bağalauğa jağday jasalğan. Bwl öte mañızdı. Öytkeni, jastar özderiniñ ärbir isi üşin jauapkerşilikti sezinui tiis. Biz joğarı oqu orındarındağı sıbaylas jemqorlıqqa qarsı is-qimıldarğa ayrıqşa män berip otırmız. Sebebi, eger adam jas kezinen bastap ädiletsizdik köretin bolsa, onıñ ömirge degen közqarası dwrıs qalıptaspaydı», – dedi Bauırjan Baybek.

Kezdesu soñında «Nur Otan» partiyası Törağasınıñ Birinşi orınbasarı universitet rektorı Talğat Närikbaev pen öziniñ «Nur Otan»-nıñ qatarına ötkisi keletini turalı Elbası Nwrswltan Nazarbaevqa hat jazğan osı oqu ornınıñ tülegi Erlan Tölegenovke partiyalıq biletterin tabıs etti.

Abai.kz

4 pikir