Seysenbi, 17 Qırküyek 2019
46 - söz 1770 14 pikir 11 Qırküyek, 2019 sağat 12:59

"On ğasır jırlaydı" kitabın äsiredinşilder özgertip, keskilep tastağan

"On ğasır jırlaydı" kitabı şıqqan. Bwrııın. Oqıdım. Ne üşin jılağanımdı bilmeymin. Jıladım.

QazNPU - oqıp jürgende "jıraular paeziyası" degen pän boldı. Twnıp twrğan qazaq ruhaniyatı. Wstazdarımızda keremet bolatın. Temirhan ağa, Dariğa apayımız qazına edi. Jıraular paeziyasın bölşektep, taldağanda işine kirip ketetinbiz. Sanaña azıq, janıña ruh beretin. Sonday bir sabaqta şabıttanğanımız sonşa Aqtanberdiniñ tolğauın dombıramen aytıp bergenim esimde.

Sol kezde Mwhtar Mağauinniñ "Kök mwnar" povesin de oqığanbız. Qanşa oqısañda jalıqpaysıñ. Twnıp twrğan motivaciya. Qazaq ruhaniyatın SSSR- cenzurasına qaramay qalay bes ğasırğa keñeytkenin jazğan. Qazaqtıñ kim ekenin, kim bolğanın naqtı faktimen, ruhtı ädebietpen däleldegen.

Al bwlar nestedi? Ne istemedi? Ädebietimiz ben tarihımızdıñ küli kökke wşqan. Aqın, jıraulardıñ sözderin özderiniñ tar sanasına sıymağan, aqidasına say kelmegen jerlerin jwlmalap, özgertip, söylemderin keskilep, alıp tastağan.

Sonda deymin de, dini dogmatizmniñ aqidasına say kelmegeni üşin tarihımız ben mädenietimizdi özgerte bersek nemiz qaladı?

Bwl qılmıs qoy. Tarihi mwranı özgertip, basıp şığaruğa kim rwqsat berdi? Miım jetpeydi. Bükil halıq aqımaq ta, bwlar aqıldı ma? Bwlar dindi biledi de, bükil halıq dinsiz be? Ata babalarımızdıñ bäri şirk, bidğa jasağan eşekbas, tozaqi ma? Iä.Solay deydi.

Dini sananıñ osınşalıqtı topas, essiz bolatının körip otırmın. Öz közimmen oqıdım. Dinde bir adamğa qiyanat jasaudıñ özi qanşalıqtı ülken künä ekeni belgili. Al twtas eldiñ tarihi mwrasına qiyanat jasaudıñ künäsi qanday? On ğasır jılaydı...

Äset Bektwrdıñ facebook paraqşasınan

Abai.kz

14 pikir