Seysenbi, 17 Qırküyek 2019
1675 12 pikir 10 Qırküyek, 2019 sağat 15:53

CNN: AQŞ Reseyden tıñşısın jasırın alıp şığıp ketken

Qwrama Ştattar 2017 jılı Reseydiñ ükimet apparatında jwmıs isteytin tıñşısın jasırın alıp şığıp ketken. CNN telekanalı Donal'd Tramp äkimşiligindegi derekközine süyenip, osılay habarladı.

Derekközdiñ sözinşe, onı alıp şığu jöninde şeşim şığarğandar qwpiya mälimettermen jwmıs isteude Tramp aynalasındağı adamdardıñ käsibiligine kümän keltirgen. Oğan negiz bolğan qwpiya qwjattarmen jwmıs isteude birneşe ret olqılıqtar orın alğanı sebep bolğan deydi CNN. Bwl Resey biligi dälizindegi amerikalıq tıñşınıñ ömirine qauip tuğızğan.

Tıñşını alıp şığu turalı şeşim 2017 jıldıñ mamır ayında qabıldanğan. Sol kezde Tramp Resey sırtqı ister ministri Sergey Lavrovpen jäne AQŞ-tağı Resey elşisi bolğan Sergey Kislyakpen qwpiya aqparattar jöninde talqılağan.

Ol kezde Ortalıq barlau basqarmasınıñ direktorı Mayk Pompeo bolğan. Tramp äkimşiliginde resmi adamdarmen äñgime barısında Pompeo Mäskeuden alınğan köp aqparattı talqılau qajettigine kümän keltirgen. Osıdan keyin onı tez arada alıp şığuğa mäjbür bolğan.

AQŞ memlekettik hatşı ökili pikir bildiruden bas tarttı. Aq üy baspasöz hatşısı Stefani Grişam "CNN materialı qate ğana emes, ol adam ömirine ülken qauip keltirui mümkin" dep mälimdedi.

Abai.kz

12 pikir