Seysenbi, 17 Qırküyek 2019
1111 1 pikir 10 Qırküyek, 2019 sağat 15:51

Soltüstik Koreya mausım ayınan beri segizinşi zımıran sınağın ötkizdi

10 qırküyekte Coltüstik Koreya Japon teñizine qarata eki zımıran wşırdı dep habarladı Oñtüstik Koreya äskerileri. Phen'yan yadrolıq bağdarlamasınıñ bolaşağı turalı AQŞ-pen kelissözderdi jalğastırmaq nieti barın bildirgen soñ ile-şala zımıran wşırğan.

Soltüstik Koreya zımırandarınıñ qay aumaqqa tüskeni turalı äzirge aqparat joq.

Japoniya qorğanıs ministrligi el aumağına Soltüstik Koreya wşırğan zımırandar tüskeni turalı mälimet joğın, qazirgi kezde wlttıq qauipsizdigine tötenşe qauip tönip twrmağanın habarladı.

AQŞ prezidenti Donal'd Tramp pen Soltüstik Koreya basşısı Kim Çen In Oñtüstik Koreya men Soltüstik Koreya arasındağı şekarada kezdeskennen keyin Phen'yan osımen segizinşi märte zımıran sınağın ötkizdi.

"Amerika dauısı" radiosı AQŞ äkimşiliginiñ joğarı lauazımdı ökiliniñ "Biz Soltüstik Koreyanıñ zımıran wşırğanınan habardarmız. Biz jağdaydı baqılap, aymaqtağı odaqtastarımızben keñesip otırmız" degen sözin keltirgen.

Seul Phen'yandı ballistikalıq zımıran wşırudı toqtatuğa şaqırıp keledi. Oñtüstik Koreya biligi zımıran sınağı Korey tübegindegi şielenisti azaytuğa septese almaydı dep sanaydı. Phen'yan zımıran wşırudı körşi elge AQŞ-pen äskeri saladağı ıntımaqtastığı üşin jasalğan eskertu dep atağan.

Abai.kz

1 pikir