Beysenbi, 12 Jeltoqsan 2019
Aymaq 1810 2 pikir 10 Qırküyek, 2019 sağat 11:57

Q.Isqaqov: «Bizdiñ maqsatımız özekti köterip, olardı şeşu üşin naqtı şeşimder qabıldau»

Oblıs äkimi, «Nur Otan» partiyası Qızılorda oblıstıq filialınıñ törağası Q.D. Isqaqovtıñ  törağalığımen «Industriyaldı damu»  bağıtındağı partiyalıq tıñdau ötti. Mäjiliste memlekettik «Bilim», «Densaulıq» jäne «Industriya» bağdarlamalarınıñ aymaqta jüzege asırıluı turalı aytıldı.

Birinşi kezekte oblıstıq bilim basqarmasınıñ basşısı M.Meldebekova memlekettik «Bilim» bağdarlamasınıñ öñirde jüzege asu barısı jaylı bayandadı.

«Biz öz tülekterimizdiñ 97 payızı joğarğı oqu orındarı men kolledjderge tüskenin maqtanışpen aytamız. Bwl jetistikke jetu üşin Q.Eleuwlı bilim salasına qatıstı batıl şeşimder qabıldap, salanıñ damuına köp qoldau körsetkenin barşañız bilesizder! Jalpı, bilim salasına qatıstı meniñ wstanımım ayqın: sapalı bilim beru arqılı balanıñ bolaşağın qalıptastıru. Şınına kelgende, biz barlığımız osı balalardıñ keleşegi üşin jwmıs istep jatırmız»,-dedi aymaq basşısı.

Oblıstıq densaulıq saqtau basqarmasınıñ basşısı J.Abdusametov «Densaulıq» bağdarlamasınıñ oblısta orındaluı turalı ayttı.

Memleket Basşısınıñ «Sındarlı qoğamdıq dialog – Qazaqstannıñ twraqtılığı men örkendeuiniñ negizi» attı Joldauınan tuındaytın mindetterdiñ biri ekonomikanı ärtaraptandıru, innovaciyanı damıtu arqılı eñbek önimdiligin arttıru jäne tikeley şeteldik investiciya tartu bolıp tabıladı.

Osığan baylanıstı oblıs äkimi: «Biılğı jılı industriyalandıru bağdarlamasınıñ ekinşi besjıldığın ayaqtap, üşinşi besjıldıqqa ayaq basqalı twrmız. Osı orayda, Prezident Q.Toqaev industriyalandırudıñ üşinşi besjıldığın jüzege asıru barısında bwrın jiberilgen qatelikter men olqılıqtardı eskeru qajettigin tapsırdı»,-dep eske saldı.

Ayta keteyik,  industriyalandıru bağdarlamasınıñ İ jäne İİ besjıldığı ayasında öñirimizde  24 joba iske asırılıp, naqtı 1442 jwmıs ornı aşıldı. Ağımdağı jıldıñ 7 ayında iske qosılğan 24 jobanıñ 18 josparlı quattılıqtı 90-100% igerdi.  Memlekettik bağdarlama bekitilgen industriyalandırudıñ 6 basım bağıtı bar, olar: metallurgiya, himiya, mwnay himiyası, maşina jasau, qwrılıs materialdarın şığaru jäne tamaq önerkäsibi.

Bügin birinşi bolıp Aral men Qazalı audandarınıñ industrialdı damu mäselesi talqılandı. Aldağı uaqıtta «Industrialdı damu» bağıtı boyınşa Qızılorda qalası men audan äkimderi  de habarlama jasaytın boladı.

Oblıs halqı birinşi besjıldıqta Aral, Qazalı audandarında iske qosılğan tauarlı süt ferması, as twzı, balıq öñdeu siyaqtı zauıttardıñ igiligin körude. Sol käsiporındarda jwmıs istep, otbasın asırap, birqatarı respublikalıq konkurstarda jüldeli orındardı ielenip, oblıstıñ imidjin köterude.

Desek te, birqatar mäseleler äli künge şeşimin tappay keledi.

«Industriyalandıru bağdarlaması ayasında Aral men Qazalı audandarında atqarılğan jwmıstardı odan äri jetildiru qajet. Industriyalandıru bağdarlaması men industriyalıq aymaqtar jwmısında birqatar kemşilikter orın alıp otır. Sondıqtan jwmıstı jandandırıp, jıl soñına deyin industriyalıq aymaqtardı toltıru boyınşa bekitilgen mejeni igeruge jwmıs isteyik. Aral, Qazalı audandarı boyınşa tiisti tapsırmalar berildi. Olardıñ orındaluın talap etemin»,-dedi oblıs äkimi.

Mäjiliste şikizattıq emes sektordı damıtu bastı nazarğa alınğanı aytıldı. Oğan qosa, biıldan bastap respublikada öñdeu önerkäsibiniñ işki salaların damıtuğa bağıttalğan «Qarapayım zattar ekonomikası» bağdarlaması iske asırıluda.

Sonımen qatar, mäjiliste oblıstıq industriyalıq-innovaciyalıq damu basqarmasınıñ basşısı  Rinat Swltangereev pen oblıstıq kirister departamenti basşısınıñ mindetin atqaruşı Ädilbek Bekişov industriya bağıtındağı jobalardıñ iske asırıluı turalı bayandadı.

Aymaq basşısı: «Bizdiñ bügingi maqsatımız partiyalıq tıñdauda özekti mäselelerdiñ barlığın köterip, olardı şeşu üşin naqtı şeşimder qabıldau»,-dep qorıtındıladı.

Abai.kz

2 pikir