Düysenbi, 16 Qırküyek 2019
Sayasat 2796 8 pikir 9 Qırküyek, 2019 sağat 20:10

Jwmbaq kabinet

Astanada Aqorda bar. 15 jıldan beri prezidenttiñ paydalanuında. Bas  qaladağı bas ğimarat. Onıñ özgelerden erekşeligi turalı da, onıñ mañızı men märtebesi turalı da talay ret jazıldı. Qaytalay bergennen Aqorda «Altın» ordağa aynalıp ketpeydi. Aytpağımız ol emes.

Jañağı Aqorda – ol äueli Qazaqstan prezidentiniñ rezidenciyası.  YAğni, Qazaqstan prezidenti bwl jerde özge de elderdiñ basşılarımen, ükimet basşılarımen, şeteldik delegaciyalarmen, ministrlikter men vedomstvolardıñ basşılarımen, partiyalardıñ, qozğalıstar men elimizdiñ şığarmaşılıq intelligenciyası ökilderimen, qala jäne oblıs äkimderimen  t.b. türli deñgeydegi kezdesulerdi ötkizetin orın. Qazir özgerip ketpese, äyteuir bwrınğı prezidenttiñ twsında solay bolatın.

Al qazir prezident basqa. Qasım-Jomart Toqaev Täuelsiz Qazaqstannıñ ekinşi saylanğan prezidenti. Ol legitimdi prezident. Biıl 9 mausımda ötken kezekti retki kezekten tıs prezident saylauında 70,96 payız dauıs jinadı. Söytip, resmi türde prezident atandı.  Demek, Aqordanıñ endigi qojayını Toqaev boluı kerek-ti.

Prezidenttiñ resmi saytı sanalatın «Aqorda» saytında jariyalanğan suretterden Qasım-Jomart Toqaevtıñ resmi qabıldağan lauazımdı twlğalarınıñ birsıpırasın kördik. Kördik, qoy. Biraq, ol kisiniñ kabineti özgergen be, älde işki inter'eri auısqan ba, äyteuir bwrınğı prezident Nazarbaev qabıldau ötkizip jürgen kabinetke wqsata almadıq.

Bilemiz, jeti qabattı Aqorda rezidenciyasında bölme köp. Sol köp bölmeniñ biri bolar dep topşıladıq.

Psihologiyada zertteu jürgizudiñ «eriksiz baqılau» (neosoznannoe nablyudenie) deytin forması boladı. Bwl jurnalistikağa da tän dünie.

Aytpaqşı, eks-prezidenttiñ erekşe statusı bar. Elişilik häm şeteldik diplomattardı qabıldau qwqığı Elbasına da berilgen. Elde prezident auısqalı beri Nwrswltan Nazarbaevta öz lauazımına say birli-jarım kezdesuler men qabıldaular ötkizgen.

Biz bügin prezident Qasım-Jomart Toqaev pen eks-prezident Nwrswltan Nazarbaevtıñ qabıldaularına fotoşolu jasap körgendi jön sanadıq.

Nwrswltan Nazarbaev Qazaqstan prezidenti statusında:

(2017 jıl. 15 qaraşa. Sol kezdegi prem'er-ministr B.Sağıntaev prezidenttiñ qabıldauında otır).

(2017 jıl. 2 qazan. Sol kezdegi Sırtqı ister ministri Q.Äbdirahmanov prezidenttiñ qabıldauında otır).

(2018 jıl. 9 qazan. Sol kezdegi vice-prem'er A.Jwmağaliev prezidenttiñ qabıldauında otır).

Nwrswltan Nazarbaev Qauipsizdik Keñesiniñ törağası statusında:

(2019 jıl. 20 mamır. «Nazarbaev Universiteti» mekemesiniñ prezidenti Şigeo Katsu qabıldauda otır).

(2019 jıl. 26 mausım. Nwr-Swltan qalasınıñ äkimi A. Kölginov qabıldauda otır).

(2019 jıl. 29 şilde. «Nur Otan» partiyası Törağasınıñ birinşi orınbasarı B.Baybek qabıldauda otır).

Qasım-Jomart Toqaevtıñ prezident statusındağı qabıldauları:

(2019 jıl. 19 tamız. Sıbaylas jemqorlıqqa qarsı is-qimıl agenttiginiñ törağası A.Şpekbaev prezidenttiñ qabıldauında otır).

(2019 jıl. 21 tamız. Türkistan oblısı äkimi Ö.Şökeev prezidenttiñ qabıldauında otır).

(2019 jıl. 28 tamız. Memlekettik qızmet isteri agenttiginiñ törağası A.Jayılğanova prezidenttiñ qabıldauında otır).

(2019 jıl. 2 qırküyek. Aqmola oblısınıñ äkimi E.Marjıqpaev prezidenttiñ qabıldauında otır).

Sonımen, Toqaev qabıldaudı qay kabinette ötkizedi? Eks-prezident şe? Jwmbaq!

Nwrzat Toğjan

Abai.kz

8 pikir