Seysenbi, 17 Qırküyek 2019
1027 4 pikir 7 Qırküyek, 2019 sağat 16:15

Qızılordalıq 3000-ğa tarta oquşı «Qobılandı batır» jırın jatqa aytadı

Biılğı jıldıñ aqpan ayında respublika köleminde mektep oquşılarınıñ arasında «Twlpar minip, tu alğan!» bayqauı bastalğanı belgili. Bügingi tañda bayqauda baq sınauğa Qızılorda oblısınan 3000-ğa tarta oquşı niet bildirgen. Örenderdi 1400 wstaz dayındauda, - dep habarlaydı Abay-aqparat.

«Twlpar minip, tu alğan!» ağartu jobasınıñ Qızılorda oblısı boyınşa ştab jetekşisi Däuren Omarov:

– Ağartu jobasınıñ oblıs audandarındağı irikteu kezeñi 16-26 qırküyek aralığına josparlanıp otır. Büginde barlıq audandardağı dayındıq jwmıstarı pısıqtaldı. Är audannan jäne qalanıñ özinen jeñimpaz atanğan 3 qatısuşı, yağni, 1, 2, 3 orın iegerleri oblıstıq kezeñge joldama aladı. Oblıstıq kezeñ ağımdağı jıldıñ 2 qazanında ötedi. Oblıstıq kezeñde jeñimpaz atanğan qatısuşığa 1 mln teñge, al, onı dayındağan wstazına 2 mln teñge beriledi. Bügingi künniñ özinde oblısımızda jüzdegen oquşı «Qobılandı batır» jırınıñ Marabay nwsqasın tolıq jattap alğan, - deydi.

Sonday-aq, ol «Qobılandı batır» jırınıñ Marabay nwsqası arnayı kitapşa etip şığarılıp, bayqaudıñ barlıq qatısuşılarına kömekşi qwral retinde tegin taratılğandığın atap ötti.

Däuren Seytjanwlı ağartu jobasına oblıs boyınşa barlıq audan erekşe dayındalıp jatqandığın jetkizdi.

– Qazalı audanda qazirdiñ özinde Gülfayruz Älişevanıñ şäkirtteri, E.Bozğwlov atındağı №249 mektep-liceydiñ oquşıları Aymeyir Äbdrahım, Gülzira Qonısbay, Meyramkül Jölekeş baptağan B.Mergenbaev atındağı №226 mektep-gimnaziya oquşıları Aziza Aydarbekova, Ayya Serdalı, Swltanğazı Tomay jetekşilik etetin №88 mekteptiñ abıroyın arqalağan Jazira Nwrqaş, Ayerke Töremwrat sındı oquşılar «Qobılandı batır» jırın tügeldey jattap alğan, - dedi ol.

Sol sekildi, atalğan audandağı №238 mekteptiñ 6 sınıp oquşıları, egizder Nwrtalap jäne Ertalap Ämirbekter de jırdı tügeldey jattap alıptı.

Şaranı wyımdastıruşılar «Qazaq Epos» qoğamdıq qorınıñ bastamasımen twñğış ret ötkeli otırğan auqımdı jobanıñ negizgi maqsatı – jastardı «Alpamıs», «Er Tarğın», «Qobılandı batır» jırları sındı xalqımızdıñ bay mwrası negizinde tärbielep, elimizdegi qazaq tili men ädebieti päni mwğalimderiniñ biliktiligin arttıru» deydi.

Abai.kz

4 pikir