Düysenbi, 16 Qırküyek 2019
1096 3 pikir 6 Qırküyek, 2019 sağat 10:34

Qızılorda oblısı aktiviniñ otırısında alğaşqı kezekte orındalatın bastı mindetter talqılandı

Memleket basşısı Qasım-Jomart Toqaev «Sındarlı qoğamdıq dialog – Qazaqstannıñ twraqtılığı men örkendeuiniñ negizi» attı Qazaqstan halqına arnağan twñğış Joldauında el ömirindegi tüytkildi mäselelerdiñ türli şeşimderin nwsqağan edi. Sonımen qatar, Prezident Ükimetke, salalıq ministrlikterge, äkimderge jäne jauaptı twlğalarğa el ekonomikasın serpindi damıtu boyınşa zor mindetter jüktep, naqtı nätijege qol jetkizudi tapsırdı. Bwl bağıtta Sır öñirinde de auqımdı jwmıstar atqarılatını bügingi oblıs aktivinde aytıldı. Oblıs äkimi Quanışbek Isqaqov oblıs aktivin jinap, aymaqta alğaşqı kezekte orındalatın bastı mindetterdi talqıladı.

Aktiv otırısına  Qazaqstan Respublikası Prezidenti Äkimşiliginiñ Memlekettik inspektorı Sarqwlov Wlan Serikwlı, jergilikti mäslihat deputattarı, qwqıq qorğau organdarı men memlekettik mekeme basşıları, ardagerler, qoğamdıq keñes müşeleri, sayasi partiyalar men azamattıq qoğam instituttarınıñ jäne bwqaralıq aqparat qwraldarınıñ ökilderi qatıstı.

Ayta ketu kerek, äleumettik salanı keñinen qamtığan, mäni men mañızı ayrıqşa bwl Joldaudı el erekşe ıqılaspen qabıldauda.

«Öz kezeginde ärbir otandasımızdıñ äl-auqatın jaqsartu men elimizdi älemdik köşbasşı memleketter qatarına qosu - Qasım-Jomart Kemelwlınıñ bastı nazarındağı mäsele ekendigine tağı bir közimiz jetti.  Sondıqtan sät sayın qwbılıp, geosayasi jağdaydıñ jıldam özgeristerge wşırap jatqan kezinde Prezidenttiñ tapsırmaları men bastamaların bwljıtpay orındap, Sır eliniñ auızbirligi men sın sağatta sır bermeytin igi qasietin körsetuimiz qajet. Bwl orayda, bizdiñ endigi mindet – äleumettik-ekonomikalıq jağdaydı jaqsartu arqılı twraqtılıq pen tatulıqtı nığaytu»,-dedi aymaq basşısı.

Memleket basşısı 2025 jılğa qaray işki jalpı önimniñ jıl sayınğı twraqtı ösimin 5 payızğa jäne odan da joğarı deñgeyge jetkizuge bolatının, sonday-aq Elbası wsınğan 2050 jılğa deyingi wzaq merzimdi damu strategiyasına jäne Wlt josparına säykes birqatar qwrılımdıq mindetterdi iske asırudı tapsırdı.

«Prezidentimiz industriyalandırudıñ üşinşi besjıldığın jüzege asıru barısında bwrın jiberilgen qatelikter men olqılıqtardı eskeru qajettigin atap ötti. Jalpı, industriyalandıru bağdarlamasınıñ  İ jäne İİ besjıldığı ayasında öñirimizde qwnı  150 mlrd teñgeni qwraytın 24 joba iske asırılıp, 1,6 mıñ jwmıs ornı aşıldı. Nätijesinde, önerkäsip önimindegi öñdeuşi önerkäsiptiñ ülesi 2010 jılı 4,3 payızdan  2018 jılı 12,6 payızğa jetti, yağni bwl körsetkiş 3 esege arttı. Sonımen qatar, şikizattıq emes eksport kölemi soñğı 3 jılda 3 esege östi. Ekinşi besjıldıq ayasında 28 jobanıñ 7 iske qosıldı, jıl soñına deyin tağı  4 joba jwmısın bastaydı»,-dedi oblıs äkimi.

Sonday-aq, jergilikti atqaruşı organdarğa qoyılğan mindetterdiñ biri – şetelden tikeley investiciya tartu. 

Osı orayda, oblısta investiciya tartudı jetildiru jöninde is-şaralar josparı jüzege asırılıp, 2016 jıldan bastap investiciyalıq ahualdı jaqsartu jönindegi keñes  jwmıs jürgizip jatqanın atap ötken jön.

Memleket basşısı Qasım-Jomart Kemelwlı Joldauda äleumettik jañğıruğa erekşe mañızdı mäsele twrğısınan toqtaldı. Bilim salası boyınşa, mamandar dayarlau jüyesiniñ naqtı eñbek narığınan tıs qalıp, eñbek resurstarınıñ balansın esepke almaudıñ tiimdi ädistemesi qalıptaspağanın atadı. Endigi jerde oquşılardıñ qabiletin ayqındap, käsibi  bağıt-bağdar berudi mindettedi.

«Özderiñizge belgili, üş jıl qatarınan qızılordalıq tülekterdiñ universitetter men kolledjderge  tüsu  körsetkişi  97 payızğa  jetti. Qazirgi kezde oblıstıñ ekonomikasın bilikti kadrlarmen qamtamasız etu maqsatında memlekettik bilim beru tapsırısı aymaqtıñ mamandarğa degen swranısı negizinde ornalastırıluda. Nätijesinde, 2019-2020 oqu jılında 22 jaña mamandıq aşıldı. Oblıstıñ eñbek resurstarı balansına säykes kolledjderde «jaña mamandıqtar atlasın» zerdeley otırıp, öñirge qajetti jaña mamandıqtardı aşudı jäne bitiruşilerdi twraqtı jwmısqa ornalastıru boyınşa jwmıstar jürgizudi jandandıruımız qajet»,-dep atap ötti aymaq basşısı.

Memleket basşısı Ükimettiñ keñeytilgen otırısında jastardı belsendi volonterlik jwmısqa tartu qajettigin söz etip, bwğan tek kreditter men oqudağı jeñildikter üşin emes, özderiniñ jürek qalauımen, şınayı nietimen kelui tiistigin eskertken bolatın.

«Eriktilik - bizdiñ qoğamdağı erekşe qwrmet twtuğa layıq is. Jasağan jaqsılıqtarı üşin ötemaqı men materialdıq qajettilikti talap etpeytin «eriktiler» qızmetin joğarı bağalauımız kerek. Bwl rette, ata-babamızdan kele jatqan, «Asar», «Jılu jinau», «Keusen beru» saltımızdı jandandırğanımız jön»,-dedi Q.Isqaqov.

Jiın barısında aymaq basşısı Joldaudan tuındağan mindetterdi jüzege asıruğa baylanıstı tiisti sala basşılarına tapsırmalar berdi.

Sonımen qatar, aktiv otırısında akademik, qoğam qayratkeri Dosmanbetov Baqbergen Särsenwlı, Q-MED klinikası qoğamdıq qorınıñ jetekşisi Bazarbaeva Rauşan Ahmetullaqızı Joldauğa baylanıstı öz pikirlerimen bölisti.

Abai.kz

3 pikir