Jwma, 18 Qazan 2019
46 - söz 1962 4 pikir 3 Qırküyek, 2019 sağat 15:54

Prezident joldauı turalı

Birden eskerteyin, joldau köñilimnen şıqpasa da, negativke salınbaymın. Sırttay öz reakciyamdı ob'ektivti türde aytuğa tırısayın. Sonımen.
Meniñ oyımşa, joldauda erekşe atap ötuge twratın jäne sayasi tezisterge qatıstı bes mäsele bar:

1. Älemdik täjiribe körsetip otırğanday, bwzıp-jarğış sayasi liberalizaciya twraqsızdıqqa äkep soğadı. Sondıqtan biz sayasi reformalardı alğa attandaumen emes, oylastırıp otırıp jürgizemiz.
Bwğan kelisermin. Biraq bwl onsız da joğaltıp alğan qanşama uaqıtımızdı tağı da ötkizu bolmasa igi edi.

2. «Bizdiñ principimiz – sayasi modernizaciyasız ekonomikalıq reformalardı jürgizu mümkin emes», – dedi Prezident.
Mine, bwğan 100% kelisemin! Tipti 100500%!

3. «Zañda belgilengen tärtipke say, olarğa (miting) ötkizuge rwqsat beru, ol üşin arnayı orın belgileu. Alayda, ol qala sırtında bolmauı kerek», – dedi.

Twtastay alğanda, ilgerileu bayqaladı. Biraq, meniñşe, mitingiler eskertuşi sipatta ötui kerek. Sonday-aq, mitingini wyımdastıruşılar öz qauipsizdigi üşin alañdaytın bolsa, onı habarlauı tiis.

4. "Policiyanıñ memlekettiñ küş qwralı retindegi beynesi birtindep kelmeske ketedi. Ol azamattardıñ qauipsizdigin qamtamasız etu üşin qızmet körsetetin organğa aynaladı».
Mine, tağı da 100500% kelisemin!
Men tek «birtindep» degen sözdiñ küntizbege qoyılğanın jäne naqtı merzimin estigim keledi.

5. «Aldağı mäjilis pen mäslihat saylauı elimizdegi köppartiyalı jüyeniñ odan äri damuına sep boluı kerek».
Ne bwl? Jaña partiyanı tirkeudi jeñildetu jönindegi uädesi me, älde tek saylau sep boluğa «tiis» degen tilegi ğana ma?
Öz basım bwl sözdi tüsinbedim.

Jalpı, osılar. Qalğanınıñ bäri ömirimizdiñ jağımsız sätterine baylanıstı halıqtıñ äleumettik jelilerdegi reakciyasına bergen jauabı jäne mäselelerdi aqşamen toltıru ğana. Dese de, mwnıñ özi jaman emes.
Bwl degeniñiz, eñ bolmağanda, biliktiñ äleumettik jelilerdegi narazılıqtardı esti bastağanın körsetedi.

Marğwlan Seysembaydıñ facebook paraqşasınan

Abai.kz

4 pikir