Jwma, 15 Qaraşa 2019
46 - söz 2644 15 pikir 23 Tamız, 2019 sağat 13:21

Rektorlardıñ byurokrattıqtarı swmdıq

"NwrOtannıñ" keñeytilgen jiınında eks-prezident Nazarbaev wlttıq jäne memlekettik universitet rektorları turalı dwrıs ayttı. Negizi, olardıñ bärin bwrın özi tağayındağan edi ğoy. Biraq, soğan qaramastan aytqan sını da, sögisi de öte orındı.

Jwrttıñ bäri "eki siırdı" jırlay bermey rektorlar mäselesine de nazar audarğandarı jön. Sebebi, şınımen de memlekettik byudjetten qarjılandırılıp otırğan wlttıq universitetterdi aldı on, soñı jiırma jıl basqarıp otırğan rektorlar bılıqqa batırdı. Nazarbaev aytsa aytqanday. Olar mañayına sapalı bilim beretin professorlardan göri aqşa jasauğa şeber, pısıqay kommersanttardı jinap alıp, jağımpazdıqtıñ tuın köterip sıbaylas jemqorlıqtıñ körigin qızdırıp otır.

Rektor degender qazir qaptağan oqqağarları bar, esigin añdığan birneşe kömekşileri bar bilim beretinderden göri küşenip tük bitirmeytin abajaday apparatı bar, swmdıq kirpiyaz patşağa aynalğan. Byurokrattıqtarı swmdıq. Ğılımi keñesti qol astındağı qwl-qwtanğa aynaldırıp jibergen. Kommerciyalıq bölimderdiñ oqu aqısın millionğa aparıp tirep qoyğan. Biraq, berip jatqan biliminiñ sapası sın kötermeydi.

Bizdiñ wlttıq universitetterdiñ diplomdarı älem elderiniñ eşbirinde moyındalmaydı. Sebebi, bergen bilimderiniñ praktikada özin aqtamaytındığın bäri biledi. Oqıtuşılardı konkurs arqılı qabıldaymız deydi. Onısı ötirik. Rektor öz jerlesteri men aqşa jasaytın sıbaylastarın ğana mañayına toptastıradı. Oqu procesine baqılau jasalmaydı. Sonıñ saldarınan jas ğalımdar, bilikti mamandar şetelge ketip jatır. Dayındap jatqan "önimderi" - bakalavriat - polufabrikat, magistratura - haltura, doktorantura - dalbasa!

Qısqası, Nazarbaev aytqanday wlttıq jäne memlekettik universitetterdiñ barlıq rektorların jaña oqu jılı bastalmay twrıp, lauazımdarınan bosatu kerek.

Quandıq Şamahaywlınıñ facebook paraqşasınan

Abai.kz

15 pikir