Beysenbi, 19 Qırküyek 2019
2163 16 pikir 12 Tamız, 2019 sağat 17:56

Prezident Toqaev Birğanım Äytimovanı senatorlaqtan aldı

Qazaqstan prezidenti Qasım-Jomart Toqaev senator Birğanım Äytimova men Asqar Beysenbaevtıñ ökilettiligin toqtattı. Bwl turalı Aqorda saytı habarladı.

"Memleket basşısınıñ Jarlıqtarımen Qazaqstan Respublikası Parlamenti Senatınıñ deputattarı Birğanım Sarıqızı Äytimova men Asqar Asanwlı Beysenbaevtıñ ökilettikteri toqtatıldı", delingen resmi habarlamada.

Esteriñizge sala keteyik, osığan deyin Memleket basşısı eks-senator Asqar Beysenbaevtı Qazaqstannıñ Belarus'tegi Elşiligine tağayındau turalı şeşim şığarğan edi.

Al Birğanım Äytimovanıñ qanday qızmetke auısqanı turalı resmi aqpar şıqqan joq.

Birğanım Sarıqızı Äytimova 1953 jılğı 26 aqpanda tuğan. A.S. Puşkin atındağı Oral pedagogika institutın, äl-Farabi atındağı Qazaq wlttıq universitetin bitirgen. Mamandığı boyınşa ağılşın tiliniñ mwğalimi, zañger. Tötenşe jäne Ökiletti Elşi diplomatiyalıq rangı bar.

«Qwrmet», «Parasat» jäne İİ därejeli «Dostıq» ordenderimen marapattalğan.

1990-1993 jıldarı - Qazaqstan Respublikası Joğarğı Keñesi Jastar isi jönindegi komitetiniñ törağası.

1993-1996 jıldarı - Qazaqstan Respublikası Jastar isi, turizm jäne sport ministri, Qazaqstan Respublikası Parlamenti Senatınıñ deputatı, Halıqaralıq ister, qorğanıs jäne qauipsizdik komitetiniñ müşesi.

1996-2002 jıldarı - Qazaqstan Respublikasınıñ Izraildegi Tötenşe jäne Ökiletti Elşisi.

2002-2004 jıldarı - Qazaqstan Respublikasınıñ Italiyadağı Tötenşe jäne Ökiletti Elşisi, Grekiyadağı, Mal'tadağı Tötenşe jäne Ökiletti Elşisi mindetin qosa atqaruşı.

2004-2007 jıldarı - Qazaqstan Respublikası Prem'er-Ministriniñ orınbasarı, Bilim jäne ğılım ministri.

2007 jıldan Qazaqstan Respublikasınıñ Birikken Wlttar Wyımınıñ janındağı twraqtı ökili qızmetin atqardı.

Keyin atalmış qızmetten alınıp, Qazaqstan Respublikası Prezidentiniñ Jarlığımen Parlament Senatınıñ deputatı bolıp tağayındalğan.

Abai.kz

16 pikir