Jeksenbi, 25 Tamız 2019
46 - söz 1220 3 pikir 12 Tamız, 2019 sağat 14:55

Bwl neni bildiredi?

Qauipsizdik sertifikatın keyinge qaldırdı. Biraq, dayındap qoydı. Bwl neni bildiredi?

Birinşiden, sertifikattıñ bar ekendigin. Jäne de kerek kezde ükimet osı taqırıptı qaytadan köterip, barlıq ğalamtor jelisin qolğa alatındarın bildiredi. Onıñ üstine, ol şınımen keyinge qaldırıldı degen söz emes, tınış, basqaşa ädispen engizilui de mümkin degendi bildirui mümkin. Meniñ oyımşa, barlıq memlekettik qızmetkerlerge ornatuların talap etedi. Biraz uaqıt ötken soñ, kerekti memleket qızmet alu barısında, wyalı telefonıñız qauipsiz emes ekenin aytıp, sizderge sertifikattı ornatu kerektigin aytsa, tañ qalmaymın.

Bizdiñ erkin ğalamtormen qoldanuımızğa äli qauip tönip twr. Bosañsuğa müldem bolmaydı. Bizdiñ arnayı qızmetkerlerdiñ vegetarian bolğandarına eşqaşan senbeymin.

Ekinşiden, xalıqtıñ bwl sebepke narazı boluınıñ äli de küşi bar. Auızbirşilik bar kezde ğana, narazılıq ülken küşke ie boladı.
Üşinşiden, bilik xalıqtıñ bostandığın keñeytudiñ ornına, bar närseni joq qılıp, soñında, tiesilini qaytarıp beru arqılı quantatın boldı. Sonda biz, jaña närse alğanımızğa emes, özimizge tiesilini alğanımızğa quanıp otırmız.

Sondıqtan, bwl bağıtta tınıştıq emes, uaqıtşa kidiris.
Endi bizdiñ ekonomikalıq bostandığımızdı qatañdatu men qısqartuğa qarsı küresuimiz kerek. Mısalı: zeynetaqını köbeytu, med. Saqtandıru, valyutalıq operaciyalardı şekteu t.b kiredi.

Bwnday ükimetpen tınıştıqtı tek qana armandaymız!

Marğwlan Seysembaydıñ facebook paraqşasınan

Abai.kz

3 pikir