Jwma, 20 Qırküyek 2019
1156 0 pikir 12 Tamız, 2019 sağat 10:00

Reseyde senbilik şeru kezinde 300-den astam adam wstalğan

Senbi, 10 tamızda Mäskeu, Sankt-Peterburg, Dondağı Rostov, Bryansk qalalarındağı ädil saylaudı talap etken akciya kezinde jalpı sanı 325 adam wstalğan. "OVD-Info" qwqıq qorğau portalınıñ dereginşe, Mäskeude - 229, Peterburgte - 81, Dondağı Rostovta - 13, Bryanskide eki adam wstalğan.

Mäskeude rwqsat etilgen akciya akademik Saharov dañğılında ötti. Oğan "Belıy sçetçik" dereginşe, şamamen 60 mıñ adam qatısqan. Al Resey İİM mitingige 20 mıñ adam kelgenin habarladı.

Jinalğandar täuelsiz kandidattardı qalalıq duma saylauına ötkizudi talap etip, bwğan qosa 27 şilde küngi akciyadan keyin qozğalğan qılmıstıq isti jabu qajettigin ayttı. Şilde ayınıñ soñğı senbisinde ötken akciyadan keyin Reseydiñ tergeu komiteti "jappay tärtipsizdik wyımdastıru" isi boyınşa is qozğap, 14 adamğa ayıp taqqan edi.

10 tamız küngi mitingiden keyin şeruşilerdiñ bir böligi "Kitay-gorod" metro stanciyasına bağıt alğan. Onda policiya şeruşilerdi wstay bastağan.

Peterburgte de mäskeulik şeruşilerdi qoldağan rwqsat etilmegen akciya ötti. Oğan qatısuşılar bilikten jiın ötkizuge rwqsat swraudı qajet etpeytin bir adamdıq piket ötkizetinin aytqan.

Bwğan deyin Mäskeudegi şeruşilerdi qoldap, qazaqstandıq eki belsendi Nwr-Swltan men Almatıda akciya ötkizgen.

Mäskeu qalalıq duma saylauı 8 qırküyekte ötedi.

Abai.kz

0 pikir