Särsenbi, 13 Qaraşa 2019
Aymaq 1941 2 pikir 9 Tamız, 2019 sağat 14:47

Asqar Mamin Qırğızstanda Euraziyalıq ükimetaralıq keñes otırısına qatıstı

QR Prem'er-Ministri Asqar Mamin Şolpan-Ata qalasında Euraziyalıq ükimetaralıq keñes otırısına qatıstı.

EAÜK otırısına Resey Federaciyasınıñ Prem'er-Ministri D. Medvedev, Belarus' Prem'er-Ministri S. Rumas, Armeniya Prem'er-Ministri N. Paşinyan, Qırğızstan Prem'er-Ministri M. Abılgaziev jäne Euraziyalıq ekonomikalıq komissiya alqasınıñ törağası T. Sarkisyan qatıstı.

İs-şara bastalmastan bwrın elderdiñ delegaciyalarınıñ basşıları Qırğızstan Prezidenti S. Jeenbekovpen kezdesti.

EAÜK otırısınıñ qatısuşıları integraciyalıq üderisterdi odan äri damıtu, sauda-ekonomikalıq ıntımaqtastıqtı keñeytu, EAEO işki narığındağı kedergilerdi joyu boyınşa kün tärtibiniñ 15 mäselesin qaradı. Taraptar QR Twñğış Prezidenti – Elbası N. Ä. Nazarbaev bastamaşı bolğan Euraziyalıq integraciya ideyasınıñ 25 jıldığı men Euraziyalıq Ekonomikalıq Odaq qwru turalı şartqa qol qoyılğanına 5 jıl toluın atap ötti.

Ükimetterdiñ basşıları alkogol', qarjı narığın retteu, EAEO ayasında kedendik äkelim bajın bölu mäseleleri boyınşa pikir almastı.

Transşekaralıq aqparattıq özara is-qimıldıñ, önerkäsiptik kooperaciyanı damıtudıñ, Odaq elderiniñ agroönerkäsiptik keşeniniñ twjırımdamalıq mäseleleri, sonday-aq, Keden Odağına müşe memleketterdiñ keden qızmetteriniñ ıntımaqtastığı mäseleleri talqılandı.

«Qazirgi uaqıtta EAEO turalı şarttıñ erejelerin ıntımaqtastıqtıñ özekti mäseleleri boyınşa iske asıru, 2025 jılğa deyin euraziyalıq ekonomikalıq integraciyanı damıtudıñ strategiyalıq bağıttarınıñ jobaların äzirleu boyınşa jwmıstar jalğasıp jatır», — dedi A. Mamin.

QR Prem'er-Ministriniñ aytuınşa, älemdik ekonomikadağı qazirgi jağdaydı eskere otırıp, EAEO elderiniñ ekonomikalarınıñ ösimine oñ äser beru üşin önerkäsiptik kooperaciyanı damıtuğa erekşe köñil bölu qajet. Bwl bağıt EAEO-nıñ ortaq kün tärtibinde bastı ekonomikalıq mindetterdiñ birine aynaluı tiis.

Käsipkerlikti damıtu, halıqtı jwmıspen qamtu jäne ekonomikalıq ösudiñ tiimdi qwraldarınıñ biri «qarapayım zattar ekonomikasın» damıtudıñ birlesken bağdarlaması boluı mümkin.

«Bwl sektor jalpı önimniñ JİÖ-niñ 1,5% deyin ösuine mümkindik bere aladı», — dep A. Mamin, Odaq elderi boyınşa salalıq käsiporındardı böludiñ cifrlıq kartasın äzirleudi wsındı.

Sonımen qatar, elektrondı sauda platformaların damıtudıñ qajettigi atalıp ötti. Atalğan perspektivalı älemdik trendti paydalanu özara saudanıñ ösuine ıqpal etip, üşinşi elderdiñ narıqtarına tauarlar eksportın ıntalandıruğa jol aşadı.

QR Prem'er-Ministri EAEO-nıñ halıqaralıq kölik jelisine integraciyalanu boyınşa joğarı äleuetin atap ötti. Odaq elderiniñ aumağı arqılı tranzit kezinde kedendik räsimderdi jeñildetu şaralarımen qatar, qazirgi uaqıtta äzirlenip jatqan EAEO birıñğay tranzittik jüyesi tiimdi qwral boluı kerek.

QR Ükimeti basşısınıñ aytuınşa, qarjı narıqtarı, qarjı qızmetterin twtınuşılar men investorlardıñ qwqıqtarı men qızığuşılıqtarın qorğau, sauda jäne investiciyalıq özara is-qimıl salalarında ıntımaqtastıqtı damıtu qajet.

Osığan oray Astana halıqaralıq qarjı ortalığınıñ mümkindikterin paydalanu wsınıldı. AHQO ayasında Qarjı tehnologiyalarınıñ habı qwrıldı, ol qarjılıq tehnologiyalar narığında barlıq öñirlik qatısuşılardı biriktiru üşin joğarı sapalı infraqwrılımnıñ qwrıluın qamtamasız etedi. Hab qarjılıq tehnologiyalar narığına jaña önimderdi engizuge jäne ıntalandıruğa mümkindik beredi.

Osı saladağı ıntımaqtastıqtı jandandıru maqsatında EEK pen AHQO arasındağı ıntımaqtastıq turalı memorandum ayasında Euraziyalıq ekonomikalıq komissiya men Astana halıqaralıq qarjı ortalığı arasındağı 2019–2021 jıldarğa arnalğan birlesken is-şaralar josparına qol qoyıldı.

Otırıstıñ qorıtındısı boyınşa 12 qwjatqa qol qoyıldı.

Abai.kz

2 pikir