Düysenbi, 18 Qaraşa 2019
1534 3 pikir 9 Tamız, 2019 sağat 10:26

Prezidenttik kadrlıq rezerv - bilimdi jastar üşin äleumettik lift!

Biıl Qazaqstanda Jastar jılı, bilesizder. Jastar sözsiz - memlekettiñ ekonomikalıq häm ruhani damuınıñ lokomativi. Negizgi qozğauşi küşi. Al bilikti äri bilimdi jastardı memlekettik qızmetke tartu - prezident Qasım-Jomart Toqaevtıñ sayasi bağdarlamasındağı negizgi basımdıq berilgen mäsele boldı. Iä, Memleket basşısınıñ «Sabaqtastıq. Ädildik. Örleu» attı saylaualdı bağdarlamasında aytılğan.

Sol üşin de jastardıq kadrlıq rezervin dayarlau isi qolğa alındı. Ol - «Prezidenttik kadrlıq rezerv» dep ataldı. Mine, osı kadrlıq rezervke ümitkerlerdi irikteu biılğı jıldıñ 1 tamızında bastalıp ketken.

Şartı da oñay. İrikteuge respublika boyınşa 35 jasqa deyingi joğarı bilimi men 5 jıl jwmıs ötili bar kez kelgen jas azamat qatısa aladı. Tipti, ötinimdi onlayn joldauğa da mümkindik jasalğan.

İrikteudiñ egjey-tegjey turalı ötkende Memlekettik qızmet isteri agenttiginiñ törağası Anar Jayılğanova hanım bayandap bergen.

«İrikteu memlekettik qızmetşilerden ğana emes, ekonomikanıñ barlıq sektorlarınıñ ökilderi arasında jürgiziledi. Bizge qazir ekonomister men IT-mamandar öte qajet. Tipti sot jüyesinde kiberqılmıstı aşatın mamandar kerek. Sondıqtan, jaña tehnologiyalarğa baylanıstı ekonomika sektorlarınan mamandar köbirek irikteledi», - degen edi Anar Jayılğanova.

Bwl äueli jastar üşin äleumettik lift ekeni sözsiz. Türli saladı üzdik nätijelerge jetken jas qazaqstandıqtar rezervke ötu arqılı memlekettik lauazımdarğa basqaru lauazımdarına tağayındala aladı. Al «Prezidenttik kadrlıq rezervke» ümitkerlerdi irikteu jıl soñına deyin jalğaspaq. Jıl soñında rezervke 300-ge juıq jas maman qabıldanatın boladı.

Aytpaqşı, atalğan kadrlıq rezervke ümitkerlerdi irikteu boyınşa Mañğıstau oblısı Memlekettik qızmet isteri agenttigi öñirlik kommunikaciyalar qızmetinde baspasöz brifingin ötkizgen. Oğan öñirdegi Memlekettik qızmet isteri agenttiginiñ, Ädep jönindegi keñestiñ, Prezident janındağı Memlekettik basqaru akademiyasınıñ basşılar qatısqan.

Onda aytılğan aqparatqa jüginsek, azamattar kadrlıq rezervke 3 jıldıq merzimge alınadı. Jäne irikteuge memlekettik sayasi qızmetşiler qatısırılmaydı. Al jañağı rezervke ötken 3 jıldıñ işinde tiisti bos jwmıs ornı anıqtalğan jağdayda rezervtegi kadr sayasi häm basqaruşılıq lauazımına say qızmetke wsınıladı.

Abai.kz    

3 pikir