QR Últtyq banki elimizde valuta aiyrbastau tәrtibine ózgerister engizudi kózdep otyr. Búl turaly «Qazaqstan Respublikasy qolma-qol shetel valutasymen aiyrbastau operasiyalaryn úiymdastyru qaghidalaryn bekitu turaly» qaulynyng jobasynda kórsetilgen. 

Ol boyynsha, aqsha aiyrbastau oryndarynda әrbir operasiya kezinde tizilimder jurnalyna kliyentting aty-jóni, tegi, әkesining aty, JSN-i, zandy meken-jayy tolyqtay jazylyp alynatyn bolady.

Oghan qosa, janartylghan qaghida jobasynda aiyrbastau beketterining júmys rejiymi men aiyrbastalatyn qarajat limiytine qatysty talaptar jazylghan. Oghan sәikes, valuta aiyrbastau úiymdary Últtyq bank belgilegen uaqytpen saghat 10.00-den 19.00-ge deyin júmys isteui tiyis. Bas bankting qaulysy qabyldanghannan keyin resmy týrde jariyalanyp, keler jyldyng 1-shi qantarynan bastap qoldanylady.

Sonymen qatar, qarjy naryghyn retteushi bir adamgha 500 myng tengeden asa aqsha aiyrbastaugha nemese satugha rúqsat etpeydi.

Búl qújat 16 tamyzgha deyin qogham talqysyna týsedi.

Biraq, búl bastama birden kópshilikting narazylyghyna úshyrap jatyr. Kóp sandy adamnyng pikirinshe, búlay isteu valuta aiyrbastau tәrtibin mýlde qiyndatyp jiberedi.

Álemdik ekonomika jәne halyqaralyq qatynastar institutynyng diyrektory Ákimjan Arupov KTK telearnasyna bergen súhbatynda búl bastamanyng shiyki tústary kóp ekenin aitypty.

- Ayaq astynan bir adam valuta aiyrbastaghysy kelse, amalyn tabady. Búl jerde valuta aiyrbastau punktterining júmys uaqytyn shekteu arqyly kólenkeli bizneske jol ashamyz. Sebebi, aqshany jasyryn, qolma-qol satatyndardyng saudasy qyzady. Oghan qosa, valutany bir alghanda, sauda 500 myng tengeden aspauy kerek degen de kýlkili. Sonda qúny 1500 dollardan asatyn jyljymaytyn mýlikti satqandar ne istemek?, - deydi ekonomiys.

Abai.kz