Düysenbi, 16 Qırküyek 2019
Bizdiñ şeneunik 2619 12 pikir 7 Tamız, 2019 sağat 10:44

Körşimizdiñ köleñkesine aynaldıq

Jıl sayın bizdiñ oblıs ortalığı bir şabılıp qaladı. Bwl «Qostanay qalasınıñ küni» degen «ataqtı» mereke. Ou, onıñ ornı müldem bölek. Oğan memlekettik te, wlttıq merekelerediñ de eşqaysısı da jetpeydi. Mümkin, tek onımen anau aptalap toylaytın Jaña jıl meyramı ğana talasa alar. Qalğandarı onıñ qolına su qwyuğa da jaramaydı.

Sonımen, älqisa, jıl sayınğı berik qalıptasqan «dästürmen» qala künin jıl boyı este qalarlıqtay etip, öte joğarı deñgeyde ötkizuge degen bäseke bastalıp ketti. Ol osı aydıñ 16-17 künderine belgilense de, onıñ dañqı qazirdiñ özinde jer jarıp jatır. Osındağı jergilikti baspasözdiñ quana habarlağanday biıl tağı da Resey «jwldızdarınıñ» önerine tañ qalıp, auız aşıp, tamsana tamalaytın körinemiz. Al jalpı, bwl koncerttiñ körkin aşatın körşi eldiñ DJ-BROTHER-S didjeyleri-- egizder Ruslan men Sergey Smirnovtar körinedi. Bwlardıñ qanşalıqtı ataqtarı jer jarğan «mıqtılar» ekendigin qalamızdıñ basşıları jaqsı bilmese, bizdiñ habarımız şamalı.

Картинки по запросу руслан и сергей смирновы

Jaraydı, egizder sahnada «egile» bersin, mümkin oğan osındağı özge wlt ökilderiniñ töbeleri kökke bir eli jetpey  qalar. Alayda kelesi bir şeteldik «jwldız» Mitya Fomin degenniñ sol Reseydiñ özinde äldeqaşan wmıt bolğandığın osındağı jergilikti orıs tildi baspasözdiñ özi de moyındaydı. Kezinde sonau 2000 jıldıñ basında sondağı  Hi-Fi degen topta öner körsetipti de, sol ketkennen mol ketipti.

Картинки по запросу Митя Фомин

Mine biılğı toyımızğa keletin «qadirli qonaqtarımızdıñ» siqı osınday. Osındayda  «özimizge ünemi tañsıq bolatın, özgelerdiñ qañsığına ketken qayran byudjettiñ aqşası-ay» degen oy sanamızdan ketpey qoydı. Bir qızığı, mwnday «mırzalıq» bizdiñ qala basşılarınıñ qanına siñip ketken «jaman auru» ma dep qalasıñ. Öytkeni mwnday merekeden körşimizdiñ «jwldızsımaqtarı» eş uaqıtta şet qalğan emes. Kim kelmedi deysiñ, qalamızğa. Qazir solardıñ atın atap, tüsin tüsteuge şamamız da joq. Öytkeni olardıñ tizimin jasasaq, akyağına jete almay, şarşap qalarımız anıq. «Jaman» ädet jwqqış keledi emes pe. Mwnday «bastamanı» oblısımızdıñ özge de Rudnıy men Lisakov sekildi qalaları da, quana qoldap, attandap ala jöneledi. Olarda Resey jwrşılığı äldeqaşan wmıtqan änşileri keşkilik atoylap jatadı.

Jä, jaraydı biz bwl «dästürden» qwtıla almaydı ekenbiz. Al endi öz elimizden kimder keledi eken, soğan köz jiberelik. Bwl merekede biz Sam Cosmo degen atpen Maqsat Mäjitovti köredi ekenbiz. Ol kezinde «La-la-la» degen änmen köpşilikke tanılıptı. Alayda biz onı asa tanımadıq. Sosın olarğa qazaqstandıq didjeyler Nurbergen men   Mirha Katova qosılıp,   körerenderdi Da Gudda jazz hip-hop tobı bir serpiltip tastaytın körinedi. Aytpaqşı, mwnday «jwldızdı toptardıñ» qatarına qazaqstandıq änşi Diana Şarapovanı da qosıp, aydı aspanğa bir-aq şığarğan.

Minekey, bizdegi quanış osınday. Tek köñilge jwbanış bolatın närse, bwl jolı elimizge ğana emes, älemge tanımal bolıp qalğan, kümis kömey änşimiz, osı ölkeniñ öz tuması Sündet Bayğojinniñ qaytalanbas talantınan bir läzzat aladı ekenbiz. Bwğan da şükir delik,

Jaybergen Bolatov

Abai.kz

12 pikir