Särsenbi, 19 Aqpan 2020
1246 1 pikir 6 Tamız, 2019 sağat 17:33

OCCRP: "Astana LRT" kompaniyasınıñ bwrınğı basşısın Interpol izdestirip jatır

Wyımdasqan qılmıs pen jemqorlıqtı zertteu jönindegi jobanıñ (OCCRP) 5 tamızda habarlauınşa, "Astana LRT" kompaniyasınıñ bwrınğı basşısı Talğat Ardandı Interpol arqılı izdestirip jatır.

Ardan Qazaqstanda alğaşqı jeñilrel'sti kölik jüyesi (LRT) qwrılısın jürgizgen municipaldı kölik kompaniyasın üş jıl basqarğan. Ol bwl qızmetten 2017 jılı şığarılğan.

Bir jıldan soñ prokuratura kompaniyanıñ eks-menedjerin teksergen. Biıl Qazaqstannıñ jemqorlıqqa qarsı küres qızmeti Ardanğa qılmıstıq is qozğap, küdiktini qamauğa alu turalı sotqa arız tüsirdi. Sot şeşim şığarğan. Ötken aptada Interpol onı halıqaralıq izdeudegilerdiñ tizimine qostı.

Astana Times basılımınıñ 5 tamızda habarlauınşa, LRT qwrılısı tejelgen, astana biligi onıñ qwrılısına bölingen byudjet jobasın 350 million dollarğa qısqartqan. Degenmen qala äkimşiligi birneşe ay boyı toqtap twrğan qwrılıstı qayta jalğastıruğa tırısıp jatır.

Qazaqstannıñ bwrınğı prezidenti Nwrswltan Nazarbaev pen eldiñ qazirgi basşısı Qasım-Jomart Toqaev bwl jobanı sınap, onıñ bastapqı qwnı 1,8 milliard dollar bolğanın, onımen baylanıstı investiciyalıq auırtpalıqtı aytqan.

2015 jılı Qazaqstan ükimeti 1,5 milliard dollardı Qıtaydıñ damu bankinen LRT jobasın jüzege asıru üşin qarızğa alğan. Şamamen 250 million dollar "Astana bankinde" bwğattalğan, al qarjı mekemesiniñ basşıların aqşa jımqırdı dep ayıptağan. 2018 jılı bank jwmısı toqtadı.

Nwr-Swltan äkimi Altay Külginovtiñ habarlauınşa, ünemdeu maqsatında LRT bağıtındağı ayaldama sanı 18-den 11-ge qısqardı, al kölik sanı 19-dan 12-ge azaydı. Qarjı ministrligi qwrılıstı ayaqtap, Qıtayğa qarızdı öteu üşin obligaciyalar şığarudı wsınğan.

Abai.kz

1 pikir