Shyghys Qazaqstan oblys ortalyghy Óskemen qalasynda aqyn, jurnalist Úlyqbek Esdәuletting 65 jyldyq mereytoyyna oray «Altyn úyam – Altayym» atty shygharmashylyq keshi pen aqyn oqyrmandarymen kezdesu ótti.

«Qúrmet» ordenining iyegeri, «Qazaqstannyng enbek sinirgen qayratkeri» Úlyqbek Esdaulet tughan jerine kelip, oqyrmandary men tvorchestvolyq qauymgha әdemi, mәni men mazmúny tereng kesh syilady.

–  Árbir azamat tughan jerine kelip, topyraghyn iyiskep, halqyn kórgen kezde shabyt alady. Biz de býgin elimizge kelip, sizdermen kezdesip otyrmyz. Osynday jyly kezdesu úiymdastyryp, әrdayym әdebiyet pen mәdeniyetke qoldau kórsetip otyrghan oblys әkimi Danial Ahmetovqa rizashylyq bildiremiz, – dedi aqyn.

Oblystyq drama teatrynda ótken keshte aqynnyng ólenderi oqylyp, әnderi shyrqaldy. Oblys әkimining orynbasary Ásem Nýsipova sahna tórinde oblys basshylyghy atynan aqyndy mereytoyymen qúttyqtap, iyghyna shapan japty.

– Qazaq poeziyasynyng ensesin biyiktetip, últtyq qadir-qasiyetin arttyruda ózindik ýles qosyp kele jatqan shoqtyghy biyik, kórnekti aqynsyz. Sizding ólenderiniz zaman aghymyna say jazylyp, oqyrmanyna jol tartuda. Árdayym shabytynyz talmay, әli talay shygharmashylyq enbekterinizding kuәsi bolayyq, – dedi Ásem Bekqyzy qúttyqtau sózinde.

Sonymen qatar, A.S. Pushkin atyndaghy oblystyq kitaphanada Úlyqbek Esdәuletpen «Jyrlarym – jýregimning jylnamasy» atty kezdesu ótti. Kezdesu barysynda barsha jyrsýier qauym men shygharmashylyqqa jaqyn jandar aqyngha Jazushylar Odaghyna qatysty kókeyde jýrgen saualdaryn qoyyp, avtordyng aldaghy josparlarymen tanysyp, erkin súhbattasa aldy.

Kezdesudi Qazaqstan Jazushylar odaghy Shyghys Qazaqstan oblystyq filialynyng tóraghasy Álibek Qantarbaev jýrgizip, aqynnyng jaqyn dostarynyng biri, belgili qogham qayratkeri Týsipbekov Týsiphan Týsipbekúly, kórnekti aqyn Rayysova Baqytjan Múhtarhanqyzy jәne mәdeniyet salasynyng ókilderi jyly lebizderin arnaydy.

Kezdesu barysynda avtordyng «Zaman-ay» óleni jayly Roza Rymbaevanyng beynejoldauy tamashalandy. Sonday-aq, «Tamshy» shygharmashylyq jastarynyng oryndauynda aqynnyng lirikalyq ólenderinen monolog oqylyp, barsha qonaqtar avtordyng jalyndy da imandylyqqa toly jyrlaryn óz auzynan tyndap, «Úlar ýndi Úlyqbek» atty kitap kórmesin tamashalady.

Ú. Esdәuletting eldik, últtyq, adamgershilik mýddelerge qyzmet etetin parasattylyghyn kórsetetin  ólenderi bir tóbe. Semey poligonynyng qasiretine arnalghan «Zaman-ay» óleni halyqaralyq antiyadrolyq qozghalystyng gimnine ainalghan. Qoghamnyng ashy shyndyghyn kórsetetin «Qara pima» poemasy zamanymyzdyng aiyqpas auruyn sóz etip, kópshilikke oy tastaytyn, tura joldan adastyrmas imandylyq ainasy deuge bolady.

Qalamgerding ólenderi bolgar, aghylshyn, týrik, hindi, qyrghyz, ukraiyn, belorus, latysh jәne t.b. tilderge audarylghan. Orys tilinde «Perevaly Altaya» (1988), «Ahillesova pyata» (2002) ólender men poemalar jinaghy, qytay tilinde «Zaman-ay» (2005), qyrghyz tilinde «Jýregim – mahabbattyng astanasy» (2011) jyr jinaqtary jaryq kórgen. Sonday-aq, Ú. Esdәuletov A. Blok, N. Rubsov, O. Rifat, A. Rysqúlov, B. Shinkub, P. Movchan, S. Mukkerdjy jәne ózge de shetel aqyndarynyng ólenderin qazaqsha sóiletken.

Ásem Jylqysheva

Abai.kz