Seysenbi, 17 Qırküyek 2019
Sayasi portret 2045 7 pikir 18 Şilde, 2019 sağat 11:52

Rayımqwlova: Öner taza boluı kerek

QR Mädeniet jäne sport ministri Aqtotı Rayımqwlova halıqaralıq bayqaularda jüldeger atanğan jastarmen kezdesti.

Kezdesuge «Slavyan bazarı – 2019» konkursınıñ jeñimpazı Ädihan Makin men Ukrainada ötken «Molodaya giliçina-2019» halıqaralıq än bayqauınıñ bas jüldesin alğan Quanış Erzatwlı jäne İ orın jüldegerleri Mereke Kenjeğwl men «Qazaq qızdarı» triosı keldi.

«Külli älemge Wlı dala eliniñ öneri men mädenietin nasihattap jürgen eñbekteriñizge şeksiz alğısımdı bildiremin. Qazaqtıñ qoñır üni halqımızdıñ mañdayına bitken bağı desem, artıq aytqanım emes. Özderiñiz bilesizder, Ämire Qaşaubaev Parijdi qalay bağındırsa, Dimaşımız milliardtağan halqı bar Qıtaydı, keyinirek älemdi moyındattı. Minekey, sizder de darındarıñızben közge tüsip, jüldemen kelip otırsızdar. Şın jürekten quanıştımın. Bolaşaqta älem sahnalarında bwdan da zor jetistikterge jetetinderiñizge senimdimin», - dedi Aqtotı Rayımqwlova.

Sonımen qatar, Mädeniet jäne sport ministri fonogrammamen än aytuın şekteytin zañ juıq arada qoldanısqa engizilui mümkin ayttı. Onıñ aytuınşa, özge elderde top jarğan änşilerimiz ändi jandı dauısta aytudıñ özektiligin tanıtıp otır.

"Fonogrammanıñ är türi boladı. Biraq, bizdiñ ministrliktiñ közqarası: öner taza boluı kerek. Jäne estradada än jandı dauıspen aytıluı kerek, - dedi ministr.

Abai.kz

7 pikir