Qazaqstan preziydenti Qasym-Jomart Toqaev Qostanaydaghy qazaq mektebine qatysty mәseleni jana oqu jylyna deyin sheshudi tapsyrdy. Memleket basshysy Bilim jәne ghylym ministri men oblys әkimine bergen tapsyrmasyn Twitter jelisindegi jeke parqshasynda jazdy.

- Jergilikti túrghyndardyng pikirine qaraghanda, Qostanaydaghy qazaq tilinde bilim beretin jalghyz mektepke qatysty kýrdeli jaghday qalyptasyp otyr. Bilim ministri jәne oblys әkimi barlyq mәseleni jana oqu mausymyna deyin sheshui tiyis, - dep jazdy Preziydent.

Qostanaydaghy jalghyz qazaq bastauysh mektebine qatysty "Abai.kz" aqparattyq portaly alghashqylardyng biri bolyp, mәsele kótergen edi.

Mәselening naqty mәn-jayy mynaday: Qostanay әkimdigi Syrbay Mәulenov atyndaghy №24 bastauysh mektepti Borodin kóshesindegi búrynghy Qostanay kәsiptik-tehnikalyq kolledjining ghimaratyna kóshirudi kózdegen. Al mektepting ghimaratyn balabaqshagha ainaldyru josparlanghan eken. Alayda oqushylardyng ata-analary jergilikti biylikting búl bastamasyna qarsy shyqqan.

Osy mәselegen baylanysty, búghan deyin Abai.kz portalynda eki birdey maqala jariyalandy. 26 mausym kýni jariyalanghan alghashqy maqalada Qostanay qalasy әkimdigining qaladaghy Altynsarin kóshesi, 107 meken jayynda ornalasqan bastauysh bilim beretin №24 mektep-gimnaziyany Borodin kóshesi 138/1 boyynda túrghan búrynghy kәsiptik-tehnikalyq kolledj ghimaratyna kóshirgeli jatqanyn jazdyq.

Al 27 mausymda jariyalanghan ekinshi maqalada №24 bastauysh mektepti qoyma-qopsysy kóp, kýii qashqan «Stroiyteli» audanyndaghy keng ghimaratqa kóshiru turaly qala әkimining bastamasy qostanaylyq ata-analar tarapynan qoldau tappaghannan keyin, sheshim keyin qaytarylghany jazyldy.

Qostanay qalasy әkimdigining qala ortalyghyndaghy jalghyz qazaq bastauysh mektebin shalghaygha kóshiru turaly sheshimi memleket basshysynyng nazaryna jetip otyr. Búl mәsele endi ong sheshimin tabady dep senemiz.

Abai.kz