Jeksenbi, 22 Qırküyek 2019
Ekonomika 1686 0 pikir 28 Mausım, 2019 sağat 15:20

«Astana» qarjı ortalığı – jañaşa damudıñ kindigi

Uaqıt ötken sayın Astana qarjı ortalığınıñ jwmısı qarqın alıp, o bastağı eldiñ investiciyalıq jüyesin jaqsartıp, qarjı salasın jan-jaqtı damıtudı közdeytin öz bağıtında küş alıp kele jatır. Qarjı ortalığınıñ osığan deyin ötkizgen köptegen halıqaralıq şaraları ortalıq halıqaralıq bedelin köterip qana qoyğan joq, sonımen qatar Qazaqstandı älemdik qarjı narığında keñinen tanıtıp keledi. Äzirge Orta Aziyada balaması joq birden bir ortalıq öz jwmısında türli tarapta, keñ auqımda jäne halıqaralıq qarjı instituttarı men mamandarın tarta otırıp jürgizip keledi. Qarjı ortalığı Ortalıq Aziya, Kavkaz respublikaları, Euraziyalıq ekonomikalıq odaq, Tayau Şığıs elderi, Batıs Qıtay aumağı, Moñğoliya men Europa sekildi orasan aumaqtı qamtitın älemdik qarjı ortalığına aynaluğa wmtılıp otırğanın ayta ketu kerek. Osı maqsatta ondağan halıqaralıq jiındar, türli is-şaralar wyımdastırıp keledi. Mäselen, 1-4 şilde aralığındağı ötetin halıqaralıq kezekti is-şaranıñ ayasında Halıqaralıq arbitraj ortalığı sotınıñ resmi aşılu boladı. Osı jerde sottıñ erekşeliginde ayta ketken jön. Öytkeni, bwl sot qarjı ortalığı arqılı keletin investorlar üşin öte mañızda närse. Mısalı, Qazirgi tañda düniejüzinde eki negizgi qwqıqtıq jüye bar. Onıñ biri – konstituciya men zañdardıñ baptarına süyenetin roman-germandıq, ekinşisi – ağılşın saksondıq qwqıqtıq jüye. Al «Astana» halıqaralıq qarjı ortalığı ağılşın-saksondıq jüyeni tañdadı. Mwnıñ da öz sırı bar. Tabiğatı qazaqtıñ biler sotına keletin ağılşın qwqıq qağidatınıñ artıqşılığı köp. Investorlardıñ qarjısın negizinen atalğan jüyemen jwmıs isteytin qarjı instituttarına senip qwyatını sondıqtan bolsa kerek. Ağılşın zañı barlıq halıqaralıq qarjı ortalıqtarında, Dubay, Gonkong, London, N'yu-York­te qoldanıladı. Al Astana qarjı ortalığı TMD elderi arasında ağıl­şındıq qwqıq qağidatımen jw­mıs isteytin twñğış qarjı institutı bolıp otır.

Ortalıq qarjı-investiciya jäne jekeşelendiru arqılı investiciya tartu, halıqaralıq bank, qarjı wyımdarımen tığız baylanısınan basqa atap aytar öz artıqşılıqtarı bar. Mäselen, AHQO Seedstars jäne MOST biznes-inkubatorımen bir­le­sip, Fintech Stars halıqara­lıq ak­se­lera­ciyalıq bağdarlamasın iske qostı. Bağdarlama ayasında 10 startap-jobanı qarjılandırılıp, käsipkerler öz salasındağı eñ üzdik sarapşılarmen birlesip jwmıs isteu mümkindigine ie boldı. Osınıñ artqasında olar biznes-üderisti qalay dwrıs jüzege asıru jäne bäsekelik narıqta qalay jwmıs isteu kerektigin üyrendi. Bağdarlamanıñ bilim beru böligi tiimdi äri sätti startaptardı damıtudıñ taptırmas täsili boldı.

Astana qarjı ortalığı qazirdiñ özinde älemdik qarjıgerlerdiñ, bankterdiñ qarjı salasındağı jaña tehnologiyalar men tıñ bastamalar, ideyalardıñ ortasına aynalıp ülgerdi. Sonday-aq, halıqaralıq ıntımaqtastıqtı nığaytu jäne ortalıq arqılı Qazaqstan qarjı, bank, investiciya salasına tañ serpin beru üşin dästürli türde jıl sayın ötkizilip kele jatqan halıqaralıq is-şaralardıñ bereri mol ekenin uaqıt özi däleldedi.

Bastı mindeti – qarjılıq qızmetter salasında investiciyalau üşin tartımdı orta qwru arqılı el ekonomikasına investi­ciyalar tartuğa järdemdesu, elimizdiñ bağalı qağazdar narığın damıtu, onıñ halıqaralıq kapital narıqtarımen ıqpaldasuın qamtamasız etu, sonday-aq saqtandıru, bank qızmetteri men islamdıq qarjılandıru narığın damıtu bolıp otırğan ortalıq atalğan mindetterdi birtindep iske asırıp qana qoymay, halıqaralıq senimdi äri bedeldi qarjı ortalığına aynalıp ülgerdi.

0 pikir