"Qalanyng (Arys – red.) barlyq túrghyndary evakuasiyalandy jәne iz-týssiz joghalghandar joq" delingen resmy habarlamada. IIM túrghyndardy әleumettik jeliler men WhatsApp messendjeri arqyly taralatyn "jalghan aqparatqa senbeuge" shaqyryp, onday habar taratqandar qylmystyq jauapkershilikke tartylatynyn eskertken.

Búghan deyin jergilikti key basylymdar Shymkenttegi tótenshe jaghday qyzmetine silteme jasap, Arystaghy jarylystardan keyin "350-den astam adamnyng tabylmay jatqany" turaly habar taratqan edi. IIM ony teriske shygharghannan keyin, sәrsenbi kýni osy habardy kóshirip basqan on shaqty basylymnyng óz saytynan ol aqparatty alyp tastaghany jayly QazTAG agenttigi habarlady.

Dýisenbi kýni tanerteng әskery qoymada jarylystar bastalghannan keyin 43 mynnan astam adam túratyn Arys qalasynan ondaghan myng túrghyn Shymkent pen basqa da eldimekenderge ketuge mәjbýr bolghan. Biylikting dereginshe, 39 myng adam óz betimen bas saughalap, basqa jaqqa ketken. Ýsh mynnan astam adam Týrkistan oblysy әkimdigi bólgen avtobuspen Shymkentke jetken. Olardyng kópshiligi tughan-tuysyn saghalap ketken.

26 mausym kýni Qazaqstan qorghanys ministrligi Arystaghy jarylys kezinde jaralanghan taghy bir әskery qyzmetkerding seysenbide auruhanada qaytys bolghanyn habarlady. Búghan deyin biylik Arystaghy jarylystar saldarynan bir әskery men kóligine snaryad týsken bir túrghynnyng qaza bolghany turaly aqparat taratqan edi.

25 mausymda Qazaqstan densaulyq saqtau ministrligi jarylystan song on bes adamnyng (tórteui - bala) jan saqtau bólimine jatqyzylghanyn, toghyz adamnyng hali auyr ekenin habarlaghan. Resmy mәlimet boyynsha, barlyghy 165 adam dәriger kómegine jýgingen. Onyng 89-y auruhanada jatyr.

24 mausym kýni tanerteng Arystaghy әskery oq-dәri qoymasynda aldymen órt shyghyp, keyin jarylystar bolghan. Týrkistan oblysy әkimdigi aimaqta tótenshe jaghday jariyalady. Qazir Arys qalasyna kiruge tyiym salynghan. Biylik "qauipting әli seyilmegenin, qalada saperler komandasy júmys istep jatqanyn" habarlaghan.

Abai.kz