Memleket basşısınıñ Qazaqstan mwsılmandarın Oraza ayt merekesimen qwttıqtauı
Qwrmetti otandastar!
Barşa mwsılman qauımın Oraza ayt merekesimen şın jürekten qwttıqtaymın.
Adamgerşilikke, meyirim men qayırımdılıqqa ündeytin qasietti Ramazan ayınıñ ayaqtaluı – külli mwsılman ümbeti üşin mañızdı mereke.
Oraza ayt künderi är mwsılman tuğan-tuıstarı men bauırlarına qamqorlıq körsetip, mwqtaj jandarğa qol wşın sozıp, öziniñ ruhani damuına zor män beredi.
İzgi oylar men igi ister özara tüsinistik pen kelisimge bastaydı, adamdardı ortaq maqsat-müddege jeteleydi.
Qazaqstan – beybit ömir men jasampazdıqtıñ mekeni. Özge dini senimderge qwrmet, toleranttılıq pen adamgerşilik qwndılıqtar – halqımızğa tän igi qasietter.
Islam ilimi Otanğa degen süyispenşilik pen wlttıq dästürge berik qoğamımızdıñ ruhani jañğıru ideyasına tolıq say keledi.
Elimiz aman, jwrtımız tınış bolsın!
Är şañıraqqa baq-bereke tileymin!
Oraza ayt qwttı bolsın!
Abai.kz