Jeksenbi, 17 Qaraşa 2019
Sayasat 3556 0 pikir 4 Mausım, 2019 sağat 15:03

Elbası Janseyit Tüymebaevtı qabıldadı

Elbası Nwrswltan Nazarbaev Qazaqstan halqı Assambleyası Törağasınıñ orınbasarı, Assambleya hatşılığınıñ meñgeruşisi Janseyit Tüymebaevtı qabıldadı.

Kezdesude Qazaqstannıñ Twñğış Prezidentine Assambleyanıñ qazirgi qızmeti jäne HHVII sessiyada aytılğan mindetterdi jüzege asıru üşin qolğa alınıp jatqan şaralar turalı mälimdeldi.

Nwrswltan Nazarbaev Assambleyanıñ twraqtılıqtı saqtau jäne qoğamnıñ birligin nığaytu üşin atqarılıp jatqan jwmıstardıñ mañızdılığın atap ötti.

– Qazaqstan halqı Assambleyası qoğamdı biriktiretin qwrılım. Är öñirde kişi assambleyalar jwmıs isteude, dostıq üyleri aşıldı. Qazir elimiz üşin twraqtılıqtıñ mañızı zor. Twraqtılıq bolmasa, barlıq jetistikterimizden ayırılamız. Sondıqtan, Qazaqstan halqı Assambleyasınıñ bastı mindeti – halıqtıñ birligin nığaytu üşin qoğamdı jwmıldıru, – dedi Elbası.

J.Tüymebaev etnomädeni birlestikterdiñ Qazaqstan Respublikasınıñ Twñğış Prezidentine beybitşilik pen kelisimdi saqtağanı, sonday-aq el ekonomikasın damıtu isindegi jetistikteri üşin zor rizaşılıq bildiretinin atap ötti.

Qazaqstan Respublikasınıñ Twñğış Prezidenti – Elbasınıñ Baspasöz qızmeti

Abai.kz

0 pikir