Beysenbi, 12 Jeltoqsan 2019
Ekonomika 2707 4 pikir 31 Mamır, 2019 sağat 13:39

Sır jastarı jemqorlıqqa qarsı qozğalıs qwrdı

Biıl oblısta twñğış ret jastar sleti wyımdastırılıp otır. Slette Qızılorda oblısında sıbaylas jemqorlıqqa qarsı arnayı Jastar qozğalısı qwrıldı,- dep habarlaydı Abay-aqparat.

Şaranı ötkizuge QR Memlekettik qızmet isteri jäne sıbaylas jemqorlıqqa qarsı is-qimıl agenttiginiñ Qızılorda oblısı boyınşa departamenti jäne oblıstıq jastar sayasatı mäseleleri basqarması mwrındıq bolğan.

– Slettiñ bastı maqsatı – qoğamda adaldıq, şınşıldıq, igilik sındı qwndılıqtardı qalıptastıruğa, qoğamdıq sananı tärbieleuge jastardı keñinen tartu. Sıbaylas jemqorlıqtıñ aldın alu şaraları adamzattıñ osınday izgi qwndılıqtarın däripteuge, nasihattauğa bağıttaluı tiis. Biz, bwl bağıttağı jwmıstarğa jastardıñ äleuetin paydalanuımız kerek, - dedi departament basşısı Abzal Mwhimov.

Şarağa aymaqtıñ barlıq audandarı men şalğay auıldarınan delegattar qatısqan. Jiınında Agenttiktiñ Qızılorda oblısı boyınşa departamenti janınan «Jemqorlıqtı joyamız» wranımen «Jastar qozğalısı» jastar qanatı qwrıldı.

– Jastar qozğalısı» jastar qanatınıñ maqsatı - twrmıstıq jemqorlıqtı joyuğa atsalısu, kez kelgen sıbaylas jemqorlıq täuekelderine tözbeuşilik qağidatın qalıptastıru. Alğaşqı kezekte, belsendi jastar qatarınan spikerler tobın qwrıp, JOO men kolledj studentteri arasında tüsindirme jwmıstarın jürgizemiz jäne jemqorlıqtı birlesip jeñu üşin zamandastarımızdı qatarımızğa tartamız», - deydi «Nwr Otan» partiyası janındağı «Jas Otan» jastar qanatı oblıstıq filialınıñ törağası Talğat Tiles.

Sonday-aq, sırboyılıq jastar «Aqmeşit - adaldıq alañı» jobasına qoldau bildire otırıp QR Memlekettik qızmet isteri jäne sıbaylas jemqorlıqqa qarsı is-qimıl agenttiginiñ törağası Alik Şpekbaevqa aşıqhat joldadı.

Abai.kz

4 pikir