Düysenbi, 16 Qırküyek 2019
Ekonomika 1983 5 pikir 25 Mamır, 2019 sağat 20:17

Qayrat Kelimbetov: Jahandıq qarjılıq media habtı qwrudı qarastırıp jatırmız

Almatıda XVI Evraziyalıq media forum ötude. Eki künge wlasatın aytulı şarağa «Astana» halıqaralıq qarjı ortalığı (AHQO) Basqaruşısı Qayrat Kelimbetov te qatıstı. Ol AHQO alañında aldağı uaqıtta Jahandıq qarjılıq media hab qwrılatının mälim etti. Bwl turalı
abai.kz habarlaydı.

AHQO-nıñ bügingi künge deyin jetken jetistikterine toqtalıp ötken ol, öñirlik qarjılıq habtıñ elimizdegi media salasın damıtuğa da atsalısatının atap ötti. Ayta keterligi AHQO büginniñ özinde Bloomberg, CNN, Reuters sındı älemniñ bedeldi media alpauıttarımen jwmıs jasaydı.

«Biz Aqparat jäne qoğamdıq damu ministrligimen birlesip Nwr-Swltanda Jahandıq qarjılıq media habtı qwru turalı twjırımdamanı qarastırudamız. AHQO büginde Europa men Qıtay eliniñ iskerlik BAQ-ı jäne Bloomberg, CNN, Reuters sındı kompaniyalarmen tığız jwmıs
jasauda. Biz Qazaqstan men Orta Aziya elderine AHQO arqılı investiciya tartu jwmısına Jahandıq qarjılıq media hab ta sübeli üles qosadı degen senimdemiz. Olar AHQO jaylı barlıq jañalıqtı älem elderine tanıstırıp otıradı»,-dedi AHQO Basqaruşısı Qayrat Kelimbetov.

Bwğan deyin AHQO alañında älemge tanımal «Bloomberg L.P.» studiyasınıñ aşılğanı belgili bolğan edi. Älemge belgili alıp telearna studiyasınıñ AHQO-da aşıluı – tañsıq jañalıq emes.
Sebebi resmi türde aşılğanına bir jıldan astam uaqıt ğana ötken öñirlik qarjılıq hab elge investiciya tartıp qana qoymay, köptegen şeteldik kompaniyalardıñ Qazaqstanğa kelip, jwmıs jasauına sebep boldı. Oğan dälel, AHQO-da büginniñ özinde 160 kompaniyanıñ tirkelui bolıp
otır.

Eske salsaq, AHQO 2019 jıldıñ naurızında Älemdik qarjı ortalıqtarı indeksinde (Global Financial Centres Index) 37 satığa köterilip, 102 orınnıñ 51 ornına jayğasqan bolatın. Al Şığıs Europa men Ortalıq Aziya öñiri boyınşa ortalıq birinşi orındı ielendi. Sonımen qatar ortalıq «Islam qarjısına institucionaldıq qoldau körsetkeni üşin», «Islam qarjısı
salasında sayasattı qwrğanı üşin» jäne «Adam kapitalın damıtudağı bastamaları üşin» islam qarjısı salasındağı Global Islamic Finance Awards (GIFA) attı beldi jüldeniñ birden üş marapatına ie boldı.
Büginde AHQO alañına Qazaqstan, AQŞ, BAÄ, Singapur, Qıtay, Wlıbritaniya, Germaniya jäne Franciya elderinen jüz kompaniya tirkelip ülgerdi. Bir jıl işinde Sberbank, Master Card, Visa, Euroclear, ERG, SAP, «Damu» qorı sındı iri kompaniyalarmen ıntımaqtastıq turalı
memorandumğa qol qoyıldı. AHQO özine tirkelgen kompaniyalar sanın 2020 jılğa deyin 500-ge jetkizudi josparlap otır.

Nwra Matay

Abai.kz

5 pikir