Särsenbi, 13 Qaraşa 2019
Pikir 2375 14 pikir 30 Säuir, 2019 sağat 20:22

M.Äşimbaev: aldımen jastardıñ şetelge ketu sebebin anıqtap alıp, äreket etuimiz kerek

Bwl turalı «Nur Otan» partiyası Törağasınıñ Birinşi orınbasarı #NurOtanPikir erkin pikirtalas alañınıñ kezekti otırısında ayttı.

İs-şara barısında «Jaña älemdegi jastar kelbeti» attı taqırıp boyınşa qatısuşılar elimizdegi jastar sayasatı jayında söz örbitti.

Sonımen qatar sarapşılar qazaqstandıq jastardıñ şetelge ketu mäselesin de köterdi. Bwl jöninde Mäulen Äşimbaev mwnday täjiribeniñ älemde keñinen tarağanın ayttı.

– Jastardıñ şetelge ketui äleumettik jelilerde jii talqılanıp jürgen özekti mäselelerdiñ biri. Bwl mäseleniñ birneşe deñgeyi bar. Eger jas azamat şetelge bilimin jetildirip, bilikti maman bolıp qalıptasu üşin nemese jaña käsip bastau üşin barıp, ol oyın jüzege asırıp jatsa, bwl özi üşin de, elimiz üşin de paydalı. Biz bir şeñbermen şektelmeuimiz kerek. Äsirese qasımızda Qıtay siyaqtı, ar jağında Ündistan siyaqtı alpauıt narıqtar twrğan kezde solardı igeruge talpınuımız kerek. Biz osılay öz isimizdi jaña beleske köterudi maqsat twtuımız qajet. Sol sebepti şetelge ketip jatqandardıñ bärine tosqauıl qoyu kerek degen birjaqtı pikirler dwrıs emes. Al eger jastarımız elimizdegi jağdaylarğa köñili tolmay, basqa sebeptermen ketip jatsa, ol basqa äñgime. Onday kezde biz zerttep, zerdelep, sebepterin anıqtap, onı boldırmaudıñ joldarın qarastıruımız kerek, – dedi Mäulen Äşimbaev.

Pikirtalas alañınıñ otırısına Aqparat jäne qoğamdıq damu vice-ministri Jwldız Omarbekova, belgili aqın, Qazaqstan Jazuşılar odağınıñ müşesi, «Shalqar» radiosınıñ direktorı Qalqaman Sarin, käsipker, İT tehnologiyalar salasında qızmet körsetetin STEM akademiyasınıñ negizin qalauşı Äbutälip Mütäli, «Qazaqstan» wlttıq telearnasınıñ jürgizuşisi Äygerim Esenäli, «Nur Otan» partiyası Baspasöz qızmetiniñ basşısı Maksim Spotkay jäne «Jas Otan» jastar qanatınıñ atqaruşı hatşısı Däulet Käribek qatısıp, köterilgen taqırıpqa qatıstı öz oyların bildirdi.

Dästürge say otırıstı ğalım, Halıqaralıq Türki akademiyasınıñ prezidenti, «Egemen Qazaqstan» respublikalıq gazeti» AQ-nıñ Basqarma törağası Darhan Qıdıräli jürgizdi.

Abai.kz

14 pikir