Seysenbi, 12 Qaraşa 2019
1591 0 pikir 30 Säuir, 2019 sağat 10:33

Qazaqstan halqı Assambleyasınıñ XXVII sessiyası ötti

2019 jılı 29 säuir küni elordamız Nwr-Swltan qalasında Qazaqstan halqı Assambleyasınıñ kezekti XXVII sessiyası öz jwmısın bastadı. Atalğan wyımnıñ kezekti otırısı Assambleya Törğası, Qazaqstan Respublikasınıñ Twñğış Prezidenti - Elbası Nwrswltan Nazarbaevtıñ törağalığımen ötti, - dep habarlaydı Abay-aqparat.

Qazaqstan halıqtarınıñ tatulığı men birliginiñ älemde joq teñdessiz erekşe özindik modelin jarıq düniege äkelgen Qazaqstan halqı Assambleyasınıñ bwl kezekti sessiyası da jüzden asa är türli diaspora ökilderiniñ basın qosıp, talay äñgimelerdiñ ağıtıluına sebep boldı.  Qazaqstan halqı Assambleyasınıñ kezekti XXVII sessiyasına Qazaqstannıñ ­ barlıq öñirlerinen kelgen Assambleya müşeleri qatıstı. Olardıñ arasında Parlament deputattarı, JOO rektorları, ziyalı qauım, ar­dager, öñirlik häm respublikalıq etnomädeni birles­tik­terdiñ törağaları, türli dini birlestikterdiñ müşeleri, ortalıq atqa­ruşı organdardıñ, sayasi partiyalardıñ ökilderi, ükimettik emes wyım­dardıñ basşıları, t.b bar.

«Beybitşilik pen kelisim formulası: birlik jäne jañğıru» attı Qazaqstan Halqı Assambleyasınıñ kezekti XXVII sessiyası ädettegidey änwrannıñ şırqaluımen bastaldı. Änwran aytılıp bolğannan keyin Qazaqstan Respublikasınıñ Twñğış Prezidenti Elbası Nwrswltan Nazarbaev Assambleyanıñ törağası retinde jiınğa qatısuşılardı qwttıqtadı.

«Qazirgidey aumalı-tökpeli zamanda älemde bir ğana qwndılıq bar. Ol – jalpı qoğamnıñ birligi men wltaralıq kelisimi», – dep jinalıstı resmi aşıp, alğısöz arnağan Qazaqstan halqı Assambleyasınıñ Törağası qatısuşılarğa Qazaqstan halqı Assambleyasınıñ eldegi twraqtılıq pen beybitşilikti saqtauda, wltaralıq ıntımaqtı nığaytu jolında köp jwmıs atqarğanın ayttı.

Osı sessiyanıñ özine 487 ökildiñ qatısıp otırğanın tilge tiek etip, Assambleyanıñ ötken tarihına da toqtaldı.

"Bügingi jetistikterimiz – beybitşilik pen twraqtılıqtıñ arqası" degen Elbası inguş, şeşen diasporalarınıñ "Vaynah" mädeni ortalığı turalı jäne osı diasporalardıñ tarihı jöninde oy qozğap, tağdırı men tarihı, talğamı men tanımı bir eki diasporanıñ bereke-birliginiñ mığım boluın tiledi.

Elbasınıñ bastamaşılığımen qwrılğan «Qazaqstan halqı Assambleyasın» Qazaqstandağı köp etnostardıñ birligin jarastırıp, el halqınıñ wzaq jıldar boyı berekeli ömir süruine wytqı bolıp otırğan tatulıq ordası dep atap jürmiz. Osı sözimizdiñ ayqın däleli retinde aytayıq, büginde konstituciyalıq organ dep moyındalatın Assambleyanıñ el ömirinde alar öz ornı öte mañızdı.

Elbası Nwrswltan Nazarbaev jiınalısqa qatısuşılardı sessiya jwmısınıñ bastaluımen qwttıqtay otırıp, bügingi mınau tıñ tehnologiyalarmen tolığıp, jañarıp bara jatqan qoğamnıñ bastı qwndılığı el birligi men wltaralıq tatulıq ekenin tüsindirdi. Ol kisiniñ aytuınşa, büigingi tañda älemde tehnologiya, ekonomika jäne adam ömiri mülde özgerdi. Sol üşin ğalamdağı osı özgeristi oñ bağıtta qabıldap, soğan say üyrenip, üylesuimiz kerek. Biraq, osınday qwbılmalı qoğamda bäribir mäñgilik qwndılığımız tatulıq pen bereke-birlikti saqtap qaluımız kerek.

Nwrswltan Nazarbaev sonımen qatar täuelsizdik alğan alğaşqı jıldarı köptegen adamdardıñ Qazaqstandağı etnosaralıq qarım-qatınastardıñ keleşegine kümänmen qarağanın ayttı. Alayda bwnday destruktivti boljamdardıñ bärin biz joqqa şığarıp, wltaralıq ıntımağı ornıqqan twraqtı memleket qwra aldıq. Elbasınıñ aytuınşa, türli tarihi sınaqtardıñ bärin eñserip, bügingidey ekonomikası qarqındı damıp jatqan ozıq el qwra aulımız eldegi bereke-birliktiñ arqası. Sonımen qatar eldegi etnosaralıq qarım-qatınastar alıs-jaqın şetelderge ülgi bolıp otır. Qazaqstandağıday uaqıt sınağınan äri täjiribeden ötken tatulıq qatınasqa kez-kelgen el qızığuşılıqpen qaraydı.

Osılay degen Twñğış Prezident Qazaqstandağı twraqtılıqtı saqtaudıñ mañızdı ekenin ayttı. Sessiya barısında Elbası eldegi osınday wyığan tınıştıq pen twraqtılıqtı saqtau üşin memleket barlıq salada bügingidey tiimdi jwmıstardı üzdiksiz jalğastıru kerek dep atap ötti.

Qazaqstannıñ Twñğış Prezidenti Nwrswltan Äbişwlı Nazarbaev memlekettik organdar janındağı mediaciya institutı men qoğamdıq keñesterdiñ jwmısın jandandıru qajettigin de ayttı. Sonımen qatar, Elbası Assambleya käsipkerleriniñ qauımdastığı arqılı şeteldik investorlarmen ekonomikalıq ıntımaqtastıqtı nığaytuğa jäne Qazaqstan halqı Assambleyasınıñ deputattıq korpusınıñ äleuetin belsendi paydalanuğa şaqırdı.

Sonımen qatar, Elbası Nwrswltan Nazarbaev Qazaqstan halqı Assambleyasınıñ eldegi twraqtılıq pen tatulıqta saqtaudan bölek el ekonomikasınıñ ösuine de zor üles qosatının ayttı. Assambleya sındı qoğamdıq wyımdar men memlekettik organdardıñ jäne qoğamdıq keñesterdiñ jwmısın barınşa jandandırdı tapsırdı. Assambleya käsipkerleriniñ qauımdastığı arqılı şetelden investorlar tartıp, eldegi ekonomikalıq ıntımaqtastıqtı bekemdeu üşin de paydalanu kerek ekenin ayttı. Sonday-aq, Qazaqstan halqı Assambleyasınıñ deputattıq korpusınıñ da jwmısın joğarı bağaladı. Konstituciyalıq organ sanalatın Assambleyadan el Parlamentine deputattar saylanıp jürgenin bärimiz bilemiz. Anıqıraq aytqanda, 2016 jılğı Parlament saylauınıñ nätijesi boyınşa, Assambleyağa mäjilisten toğız mandat berilgen bolatın.

Söz soñında Nwrswltan Nazarbaev mwsılman qauımın ramazan ayımen, al pravoslav hristian ökilderin Pasha merekesimen qwttıqtadı. Sonımen qatar, 9 mausımğa belgilengen saylauğa baylanıstı da pikir bildirdi. Kezekten tıs saylauğa «Nur Otan» partiyasınıñ atınan tüskeli otırğan Qasım-Jomart Kemelwlı Toqaev asa täjiribeli memleket qayratkeri. Äri memleketke basşılıq etuge äbden layıq twlğa ekenin ayttı. Äri barşa qazaqstandıqtardan saylauğa belsene qatısıp, el birligin äygileudi swradı.

Nwrswltan Äbişwlı Nazarbaev, Qazaqstan Respublikasınıñ Twñğış Prezidenti, Elbası:

– Bükil Qazaqstan halqına, sonday-aq sonıñ işinde Qazaqstan halqı Assambleyasınıñ bükil müşelerine bizge qoldau körsetkeni jäne barlıq mäselede tüsinistik tanıtqanı üşin zor rizaşılığımdı bildire ketkim keledi. Aldağı 9 mausım küni elimizde Prezident saylauı boladı. Jaqında ğana ötken partiyamızdıñ kezekten tıs HİH s'ezinde «Nur Otan» partiyasınıñ törağası retinde Qasım-Jomart Kemelwlı Toqaevtıñ kandidaturası prezidenttikke wsındım. Toqaev ısılğan, öte täjiribeli memleket qayratkeri. Meniñ oyımşa büginde Qazaqstanğa basşılıq etuge äbden layıq birden bir twlğa. Ol - elimizdiñ nağız patriotı. Men bükil qazaqstandıqtardı, Assambleyanıñ müşelerin aldağı 9 mausımda ötetin saylauğa belsendi qatısıp, auızbirşilgimizdi körsetuge şaqırğım keledi. Barşa qazaqstandıq azamattardıñ aspandarı aşıq bolsın!

Elbasıdan keyin söz söylep, ortağa şıqqandardıñ bäri de Qazaqstan sayasatınıñ dwrıs jolda damıp kele jatqanın ayttı. Öz salasınıñ ozıq azamattarı atanğan olar Qazaqstandağı barlıq diasporalar Qazaqstan Respublikasınıñ Twñğış Prezidenti Elbası Nwrswltan Nazarbaevqa qarızdar ekenin tilge tiek etti.

Qazaqstan halqı Assambleyasınıñ kezekti XXVII sessiyasısında söz söylegenderdiñ barlığı da öz salasınıñ "sen twr, men atayındarı".  Elden oza şauıp, eñbek etip, täuelsiz qazaq elin damıtu üşin ter tögip jürgen azamattar. Mısalı, Djamalayl Elimhanov Şeşenstanda tuğan. Şeşen elinde dürbeleñ bastalıp, soğıs otı twtanğanda eki jasar bala bolğan edi. Sol soğısta ağası şeyit ketip, öz janarınan ayrılıp qalğan.  Djamalayldıñ otbası osıdan keyin tuğan jerin tastap, bosıp ketuge mäjbür boldı. Osınday qiın-qıstau zamanda qazaq eli olarğa pana boldı. Qazaqstanğa qonıs audarğannan keyin eski jaranıñ beti jazılıp, olar el qatarına qosıldı. Büginde bes tildi erkin meñgergen Djamalayl Elimhanov osılardı ayta kelip: «Qazaqtıñ jeri meni tärbieledi, qazaq jeriniñ qasietti dertimnen qwlan-taza ayığuıma septesti. Qazaq jeri densaulığımdı jaqsartıp, ömir süruge degen qwştarlığımdı oyattı», – dedi.

Djamalayl Elimhanovtıñ osınday ayanıştı häm jürekjardı pikirinen keyin türkiyalıq sayasattanuşı Kyurşat Zorlunıñ aytqandarı da sessiya qatısuşıların serpiltip tastadı.

Türkiyalıq sayasattanuşı Kyurşat Zorlu köp jıldan beri Qazaqstannıñ Twñğış Prezidenti - Elbası Nwrswltan Äbişwlı Nazarbaevtıñ ömir jolın, wşan-teñiz eñbekterin zerttep keledi eken. Ol türki halqınıñ Elbasıday aytulı twlğasın 20 jıldan beri zerttep kele jatqanın ayta kelip: "Bükil türki halıqtarı Türkiya men Resey arasındağı tüyitkildi mäseleni oñtaylı şeşkeni üşin Elbasığa qarızdar" dedi. Osı bir asa mañızdı sayasi şielenistiñ şeşiluine ayrıqşa üles qosqanı üşin Elbasına özi de asa riza ekenin ayttı.

Kyurşat Zorlu, türkiyalıq sayasattanuşı:

- Qwrmetti, Nwrswltan Äbişwlı! Sizdiñ prezidenttik ökilettigiñizdi öz erkiñizben uaqıtınan bwrın toqtatu turalı batıl şeşimiñizdi külli Türkiyadağı milliondağan halıq kördi. Bwl habardı estigen jwrtşılıq rasın aytqanda öz ökinişterin aytısıp jattı. Sizdiñ ökilettigiñizdi qısqartu turalı mälimdemeñiz bükil äleumettik jelide qızu talqığa tüsti. Eñ qızığı sol äleumettik jelidegi belsendi jastardıñ köpşiligi Qazaqstanğa kelip, Sizden ökilettikten bas tartpauıñızdı swramaq ta boldı. Bwl olardıñ Sizge degen ıqılası edi. Osı mälimdemeden bas tartuıñızdı ötingisi keletin jastar Sizge ğana senedi. Dese de, Sizdiñ qazaq wltınıñ tağdırı üşin der kezinde prezidenttik ökilettikten bas tartqan saliqalı şeşimiñiz älemdegi köşbasşılardıñ tarihında altın äriptermen zerlenip, qaşalatını anıq. Däl Siz sekildi qadamğa tek elin oylağan nağış köşbasşı ğana bara aladı. Bwl nağız liderdiñ ğana qolınan keletin ülken is. 

Qazaqstan halqı Assambleyasınıñ kezekti XXVII sessiyasında Evgeniy Demidenko attı on jeti jastağı jasöspirim bükil qazaq elinen süyinşi swradı.

Wltı belarus' Evgeniy Demidenko Resey Federaciyasınıñ astanası Mäskeude ötken Halıqaralıq Olimpiadada top jarıp, altın äkelipti. Qazaq jerinde tuıp-ösken jas jigittiñ bwl köp jeñisiniñ bir böligi ğana. Evgeniy Demidenko qazir wşaq qwrastıru isimen qatar animaciya, biologiya,  sauda logistikası sekildi birneşe salada eñbek etip, talay asulardı bağındırıp jürgenin tilge tiek etti.

Ol öz sözinde eñbegin «Boing» kompaniyası satıp alğanın da ayttı.

- Ras, meniñ arnayı bilimim joq. Soğan qaramastan ötken jılı «Boing 757» wşağı negizinde jaña wşaq jabdıqtap şıqtım. Bwl joba boyınşa wşaq dizaynerlik twrğıda barınşa jetildirildi. Osı eñbegimdi «Boing» kompaniyası joğarı bağalap, jobamdı satıp aldı. Endi osı jasağan jwmısımdı Wlıbritaniyadağı aeroğarış universiteti öndiriske engizu üşin jwmıs jasap jatır. Atalğan universitet jan-jaqtı zertteu jürgizip, bwl jobanı öndiriske engizerine senimim kämil. Men bügingi tañda «I Learn» mobil'di qosımşasın jasap jatırmın. YAğni, barşağa tüsinikti tilmen aytsam, «I Learn» mobil'di qosımşası YouTube jelisiniñ jaña jetilgen balaması boladı. Osı jobam arqılı«Google scinse fair» Olimpiadasında ekinşi orındı jeñip aldım. 25 mıñ talapker qatısqan osı jarısta ekinşi orın alu men üşin az jetistik emes dep oylaymın.

Sessiya jwmısın jan-jaqtı qorıtındılağan Elbası Nwrswltan Äbişwlı Nazarbaev assamleyanıñ jwmısın joğarı bağaladı. Täuelsizdiktiñ alğaşqı jıldarında qwrılıp, sodan beri eldiñ ıntımağın artıru bağıtında talmay eñbek etip kele jatqan bwl jwmıs bolaşaqta da öz jalğasın tabuğa tiis ekenin de ayttı. Täuelsizdik jıldarında qalıptasqan osı bir mädenietti keler wrpaqqa tabıstaudıñ mañızdı ekenin de basa aytıp, "törteu tügel bolsa, töbedegi keledi" degen halıq danalığın el esine saldı.

Sonımen qatar, Qazaqstan halqı Assambleyasınıñ kezekti XXVII sessiyası ayasında QHA Törağasınıñ jaña orınbasarları tağayındaldı. Endi bwl lauazımdı qızmetti YUsup Keligov jäne Şerzod Pulatov atqaratın boladı.

Tüyin

Qazaqstan halqı Assambleyası 1995 jılğı birinşi naurızda Qazaqstan Respublikasınıñ Twñğış Prezidentiniñ Jarlığımen qwrılğan. Sodan beri bwl wyım 24 jıl boyı memleketimizdegi ıntımaq pen birliktiñ bastı wyıtqısı bolıp keledi. Qazir Qazaqstandağı twraqtılıq pen tatulıqtıñ bastı kepili bolıp sanalatın osı wyımnıñ jwmısın aldağı uaqıtta jaña törağa orınbasarları jandandıra tüsedi dep senemiz. Ärqaşan da eñ özekti eldik isterdiñ bastamaşısı bolıp jüretin Qazaqstan halqı Assambleyasınıñ jwmısın YUsup Keligov pen Şerzod Pulatov örge süyresin dep tileyik.

Abai.kz

0 pikir