Seysenbi, 22 Qazan 2019
811 0 pikir 28 Aqpan, 2019 sağat 17:54

Käsipodaqtar federaciyası qolğa alğan igi şara

Bärimiz biletindey, 27 aqpan Astana qalasında «Nwr Otan» partiyasınıñ kezekti XVIII s'ezi ötti. Bwl s'ezd partiyanıñ 20 jıldığına oray wyımdastırıldı. S'ezde Elbasınıñ bastamasımen birqatar mañızdı mäselelerge baylanıstı şeşim qabıldandı.

Eldegi bas partiyanıñ bastı jinalısında Elbası, partiya Törağası Nwrswltan Nazarbaev birqatar naqtı tapsırmalar berdi. Äsirese el halqınıñ eñsesin köterip, twrmıstıq öresin köteru maqsatında alğa qoyğan wsınıstarı köp köñilinen şıqtı. Atap aytqanda, köpbalalı analarğa jağday jasau maqsatında qolğa alınğan köpbalalı otbasılardıñ järdemaqısın 21 mıñ teñgege köterudi tapsırdı.

Elbasınıñ aytuınşa, elimizde 340 mıñnan astam otbasında keminde tört bala bar. Jıl sayın balası bar otbasılardı qoldauğa 500 milliard teñge bölinedi.

Osı bastamağa ün qosu ayasında QR Käsipodaqtar federaciyası da köpbalalı analarğa kömek qolın sozudıñ jaña jüyesin iske qosıt. QRKF törağası B.Äbdirayımnıñ qatısuımen «Jañaqorğan» şipajayınıñ basşılığı men käsipodağı arasındağı wjımdıq şartına eñbek jäne äleumettik qatınastarın retteu maqsatında köp balalı analarğa qoldau körsetuge özgeristermen tolıqtırular jasaldı.

Atap aytqanda köp balalı analarğa jäne jalğız bastı analarğa jıl sayın Qazaqstan Respublikasınıñ Käsipodaqtar künine oray jalaqınıñ eñ tömengi mölşeriniñ eki eselengen mölşeri beriletin boladı. Sonımen qatar şipajaydıñ qızmetkerleri är tuılğan balasına jalaqınıñ eñ tömengi mölşeri köleminde kömek aladı.

B.Äbdirayım mırzanıñ aytuınşa, jwmısşılardıñ eñbek qwqığı men müddesin qorğau maqsatında käsipodaq ärdayım qol wşın beruge dayın. Bwğan deyin Qızılorda jäne Türkistan oblıstarı äkimdigimen Käsipodaqtar federaciyası arasında eñbekşilerdiñ jağdayın jaqsartuğa bağıttalğan memorandumğa qol qoyılğan. Bwl bastama öz jağasın tabatını sözsiz.. Aldağı uaqıtta mwnday şaralar basqa da käsiporındarda qolğa alınatın körinedi.

Ayta keterligi, Jañaqorğan şipajayında 218 qızmetker eñbek etedi. Wjımdağı köp balalı 50 ana bar bolsa, onıñ işinde 9-ı jalğız bastı analar. Käsiporın eñbekkerleri bwl habardı quanışpen qabıldadı. Bwnday igi şaralar QR Käsipodaqtar federaciyası tarapınan äli de jüzege asatın boladı.

Abai.kz 

0 pikir