Seysenbi, 22 Qazan 2019
Jañalıqtar 2097 0 pikir 31 Mamır, 2011 sağat 09:13

Azamat Almas. Mäsimov Mwsahanovqa sälem ayttı

Almatı oblısınıñ äkimi Añsar Mwsahanov Ükimet basşısı Kärim Mäsimovtıñ qatısuımen ötken bügingi selektorlıq mäjiliste töbe körsetpedi. Jas äkim Mäsimovtıñ mäjilisinen göri aqsaqaldarmen kezdesip, alqalı jiın jasağandı jön köripti.

Almatı oblısınıñ äkimi Añsar Mwsahanov Ükimet basşısı Kärim Mäsimovtıñ qatısuımen ötken bügingi selektorlıq mäjiliste töbe körsetpedi. Jas äkim Mäsimovtıñ mäjilisinen göri aqsaqaldarmen kezdesip, alqalı jiın jasağandı jön köripti.

Ükimettiñ selektorlıq formatta ötken keñesinde negizinen eki mäsele qaraldı. Ükimet Elbası Nwrswltan Nazarbaevtıñ tapsırmasın jüzege asırudıñ Ekonomikalıq damu jäne sauda ministrligi äzirlegen körnekti kartasın bekitti. Ministrlikter men vedomstvolardıñ eskertpeleri men wsınıstarı qaralıp, tüzilgen nwsqanı tanıstırğan Ekonomikalıq damu jäne sauda ministri Qayrat Kelimbetovtiñ atap ötuinşe, karta 7 negizgi bağıttan, atap aytqanda azıq-tülik qauipsizdigi, azamattarğa qızmet körsetu, halıqaralıq ıntımaqtastıq jäne integraciya, ärtaraptandırudı jedeldetu, dağdarıstan keyingi damu mäseleleri, bolaşaqqa investiciya, memlekettik basqaru jüyesin damıtu sındı bağıttardan twradı. Kün tärtibindegi ekinşi mäsele  «2011-2012 jıldarğa jılıtu mausımına dayındıq barısı turalı» Industriya jäne jaña tehologiyalar vice-ministri Al'bert Raudıñ habarlamasınan soñ Astana, Almatı qalaları men oblıs äkimderi tıñdaldı. Äkimder arasında tek Şığıs Qazaqstan oblısınıñ basşısı Berdibek Saparbaev qana söziniñ jartısın memlekettik tilde jetkizdi. Qalğandarı qazaq tilinde jaq aşpadı. Almatınıñ su jaña äkimi Añsar Mwsahanov selektorlıq keñesten aldın ala belgilep qoyğan kezdesudi dwrıs körgen sıñaylı. Keñeske qatıspadı. Onıñ qayda jürgenin swrağan Ükimet basşısına oblıs äkiminiñ birinşi orınbasarı Battalov mırza batıp  eşteñe dey almadı.
«Ol ülken kisilermen kezdesuge äli jas qoy. Ükimettiñ otırısına qatıspağanı jön emes»,  degen Kärim Qajamqanwlı kekesindi dauıspen Añsarğa dwğay-dwğay sälem joldadı.

«Abay-aqparat»

0 pikir