Senbi, 14 Jeltoqsan 2019
Sañlaq 1694 1 pikir 28 Aqpan, 2019 sağat 13:40

Ataqtı şañğışı Avstriyada doping tekserisi kezinde wstaldı

Keşe, 27 aqpan küni Avstriyanıñ Zeefel'd qalasında älem çempionatına qatısıp jatqan qazaqstandıq şañğışı Aleksey Poltoranin dopingke qarsı erejelerdi bwzdı degen küdikke ilikti.

Avstriya policiyası jürgizgen dopingke qarsı reyd kezinde toğız adam wstalğan.

Vedomstvonıñ resmi mälimdemesinde, wstalğandardıñ beseui sportşı ekeni, onıñ işinde Avstriya men Estoniyadan ekiden, Qazaqstannan bir sportşı bar ekeni aytılğan. Keyin wstalğan qazaqstandıqtıñ Aleksey Poltoranin ekeni anıqtaldı.

Qazaqstan wlttıq qwramasınıñ köşbasşısı Poltoranin keşe klassikalıq stil'de 15 şaqırımdıq jarısqa qatısuı kerek bolatın. Alayda ol jarıs jolına şıqpadı. Osığan qarap mamandar Alekseydiñ doping dauına wşırağanın boljağan. Keyin bwl boljamnıñ şın ekeni anıqtaldı.

Bügin Qazaqstan şañğı sportı türleri federaciyası Aleksey Poltoraninge qatıstı aqparat berdi.

- Eger onıñ doping qoldanğanı şın mäninde rastalsa, federaciya bwl turalı resmi mälimet jariyalaydı. Biz doping qoldanuğa «nöldik tözimdilik» sayasatın wstanamız. Ädiletsiz ädistermen jeñiske jetuge jäne tıyım salınğan negizdemelerge tübegeyli qarsımız. Biraq Poltoraninniñ dopingke qarsı erejelerdi bwzğanı tolığımen däleldenbeyinşe jäne federaciya WADA, HOK, FIS sekildi wyımdardıñ Alekseyge resmi türde ayıp taqqanına köz jetkizbeyinşe, biz sportşımızdı qorğaytın bolamız, - dedi şañğı sportı türleri Wlttıq federaciyasınıñ baspasöz-hatşısı Samal Naurızova.

Abai.kz

1 pikir