Seysenbi, 10 Jeltoqsan 2019
878 0 pikir 27 Aqpan, 2019 sağat 10:35

Qırğız jurnalisi Wlıqbek Babakulov Franciyadan sayasi baspana aldı

Wlt arazdığın tudırğan degen küdikke ilinip, eki jıl bwrın Qırğızstannan ketken jurnalist Wlıqbek Babakulov Franciyadan sayasi baspana aldı.

Jurnalistiñ "Fergane.ru" saytına habalauınşa, 25 aqpanda ol Franciyanıñ bosqındar isi jäne azamattığı joq adamdar jönindegi basqarmasınan (OFPRA) habar alğan. Onda: "Siz basqarmanıñ qwqıqtıq jäne äkimşilik qorğauına alındıñız" delingen.

Babakulovtıñ aytuınşa, jurnalist on jıl köleminde otanına qaytıp orala almaydı. "El biligi mağan qarsı jalğan qılmıstıq is qozğap, bilikke bağınıştı aqparat qwraldarı arqılı meni qaraladı. Franciya biligi mağan jäne otbasıma bosqın märtebesin berip, osında ornığuıma jağday jasap otır", - dedi jurnalist.

Qırğızstannıñ Wlttıq qauipsizdik memlekettik komiteti Babakulovqa qarsı qılmıstıq isti 2017 jılı 9 mausımda qozğağan. Oğan Fergananews.com jäne basqa da sayttarda "arandatuşılıq sipatqa ie materialdar jariyaladı" degen ayıp tağılğan.

Jurnalistiñ özi bwl ayıptardı joqqa şığarıp, özin eks-prezident Almazbek Atambaev qudaladı dep mälimdegen.

Abai.kz

0 pikir