Keshe Qazaqstan últtyq qúramasy Týrkiyanyng Antaliya qalasynda Moldova futbolshylarymen joldastyq match ótkizip, 1:0 esebimen jeniske jetti.

Biyl qantarda Qazaqstan futbol federasiyasy últtyq qúramany bir jylgha juyq uaqyt baptaghan bolgariyalyq maman Stanimir Stoilovpen kelisimshartty búzyp, Chehiyadan Mihal Biylek degen bapkerdi shaqyrghan bolatyn.

Jana bapkerdi nauryz aiynda ýlken synaq kýtip túr. 21 nauryzda 2020 jylghy Europa chempionatyna irikteu turniyri bastalady. Bizding qúramanyng alghashqy qarsylastary Shotlandiya jәne Resey futbolshylary. Osy irikteu kezenine dayyndyq retinde Moldovamen joldastyq kezdesu ótip otyr.

Biraq búl FIFA kýntizbesinde belgilenbegen joldastyq match bolghandyqtan qúramalardyng reytingisine esh әser etpeydi. Eki qúrama da oiyngha negizgi qúramdaghy oiynshylaryn shygharghan joq. Alanda jastar men búghan deyin qúramagha shaqyrtu ala almay jýrgen futbolshylar óner kórsetti. Tipti osy matchqa «Qayrat» komandasy birde-bir oiynshysyn jibermey qoydy. Qarjyny qala әkimdiginen emes, óz demeushilerinen alatyn almatylyq újymnyng búlay isteuge tolyq mýmkindigi bar.

Búl kezdesu qos qúramanyng bapkeri ýshin de ýlken synaq alanyna ainaldy. Bas komandagha basty kandidattar "emtihan" tapsyrdy. Jas futbolshylarmen qatar Stoilov kezinde últtyq qúramadan "quylghan" Azat Núrghaliyev te qayta oraldy. Tipti jana komandany jasyl alangha kapitan retinde bastap shyqty. Bizding bayqauymyzsha, bolgariyalyq bapkerding kezinde kapitandyq mindetti atqarghan Dmitriy Shomko jana bapker Mihal Biylekting qúrmetine bólene almaytyn sekildi.

Oralhan Ómirtaev

Qazaqstan qúramasynyng jenis golyn jas shabuylshy Oralhan Ómirtaev soqty. Ekinshi taymda alangha shyqqan Oralhan alystan keremet soqqy baghyttap, kózge týsti. Búl onyng últtyq qúrama sapynda qatarynan ekinshi oiynda gol soghuy. Ári ekeuin de qosalqy qúramnan shyghyp soqty. Ótken jyly "Últtar ligasy" turniyrining songhy turynda Gruziya qaqpasynan sanlau tapqan bolatyn. 20 jastaghy jas shabuylshynyng qadamy qazaq jankýierlerine quanysh syilap otyr.

Qazaqstan – Moldova – 1:0 (0:0)

Gol: Ómirtaev 61

Eskertu: Persuh 43

Qazaqstan: Dmitro Nepogodov (Q) (Igori Shaskiy 46), Temirlan Erlanov (Rauan Orynbasar 80), Sergey Malyi, Saghadat Túrsynbay (Bekzat Shadmanov 66), Dmitriy Miroshnichenko (Marat Bystrov 46), Dmitriy Shomko, Yuriy Persuh, Azat Núrghaliyev (K) (Erkin Tapalov 66), Maksim Fedin (Rafkat Aslan 88), Roman Murtazaev (Oralhan Ómirtaev 46), Bauyrjan Túrysbek (Gevorg Nadjaryan 80).

Bas bapker: Mihal Biylek.

Moldova: Dmitriy Chelyadnik (Q) (Dorian Reylyan 88), Ion Jardan, Dinu Graur, Georgiy Anton (Dan Taras 74), Vyacheslav Posmak (K) (Andrey Makriskiy 67), Artem Rozgonuk, Aleksandr Antonuk, Vladimir Ambros, Nikolay Milinchanu, Konstantin Sandu, Yaser Surkan.

Bas baker: Aleksandr Spiridon.

21.02.2019. Antaliya, Týrkiya. «Titaniyk» stadiony.

Quanysh Qappas

Abai.kz